مسلم ليګ ن ضمني انتخاباتو کښې لويه کاميابي ترلاسه کړې او هري پور کښې د قامي اسمبلۍ حلقه اين اے اتلسم ګټلو سره د پنجاب اسمبلۍ دولس نشستونو کښې ئې په يوولس سيټونو هم کاميابي حاصل کړېده، ن ليګ د پي ټي آئي پزياتره پريښودې سيټونو باندې کاميابي ترلاسه کړېده ۔
مسلم ليګ ن ضمني انتخاباتو کښې د قامي اسمبلۍ په ټولو شپږ سيټونو کاميابي حاصل کړې او پنجاب کښې ئې هم دولس سيټونو کښې يوولس ګټلي دي ، تحريک انصاف يو هم نۀ دې ګټلې او پيپلز پارټۍ د پنجاب اسمبلۍ په يو نشست کاميابه شويده ۔
هري پور کښې د قامي اسمبلۍ حلقه اين اے اتلسم باندې ضمني انتخاب شوې او غير سرکاري او غير حتمي نتائجو مطابق د مسلم ليګ ن اميدوار کامياب شوې او د پي ټي آئي اميدوار په دوئم نمبر راغلې دې ۔
غير حتمي او غير سرکاري نتائجو مطابق اين اے اتلس هري پور کښې د مسلم ليګ ن اميدوار بابرنواز خان يو لک، دري شپيتۀ زره، نهه سوه، شپږ نوي ووټونه اخستي او کاميابي ئې ترلاسه کړېده ۔
د پاکستان تحريک انصاف حمايت يافته او آزاد اميدوارې شهرناز عمر ايوب په دوئم منمبر راغلې او يو لک، شل زره ووټونو ورته ميلاؤ شويدي ۔
د اين اے اتلسم هريئ پور سيټ د پي ټي آئي رهنما عمر ايوب نااهلۍ لوجې خالي شوې وو او بيا تحريک انصاف د عمر ايوب کورودانې شهر ناز ته ټکټ ورکړې وو ۔
د غير سرکاري او غير حتمي نتائج مطابق د مسلم ليګ ن اميدوارانو د پنجاب پنځه قامي اسمبلۍ سيټونه هم ګټلي چې پکښې بلال بدر چودهري د اين اے شپږ نوي فيصل آباد ،دانيال احمد د اين اے يو سل څلورم فيصل آباد، حافظ ميا محمد نعمان د اين اے يو سل نهه ويشتم لاهور ، محمد طفيل جټ د اين اے يو سل دري څلويښتم ساهيوال او محمود قادر خان نه د اين اے يو سل پنځه اتيايم ډيره غازي خان سيټ ګټلې دې ۔
دې ترڅنګ پنجاب کښې د صوبائي اسمبلۍ اووۀ سيټونو غير سرکاري نتائج هم جاري شوي چې پکښې د مسلم ليګ ن اميدوارانو شپږ او د پيپلز پارټۍ يو اميدوار کامياب شويدي ۔
د مسلم ليګ ن کامياب اميدوارانو کښې د پي پي درې اوويايم سرګودها نه سلطان علي رانجها، د پي پي اووۀ اتيايم ميانوالي نه علي حيدر نور خان نيازي، پي پي اتۀ نوي فيصل آباد ون نه آزاد علي تبسم، پي پي يو سل پنځلسم فيصل آباد محمد طاهر پرويز، د پي پي يو سل شپاړسم فيصل آباد نه احمد شهريار او پي پي دوه سوه دريم ساهيوال نه محمد حنيف شامل دي ۔
بلخوا د پنجاب اسمبلۍ صوبائي حلقه پي پي دوه سوه نهه شپيتم مظفر ګړھ نه د مسلم ليګ ن اميدوار ناکامه شوي او د پيپلز پارټۍ اميدوار ميا عملدار عباس قريشي کامياب شويدې ۔
