سينيټ کښې اوويشتم آئيني ترميم دو تهائي اکثريت سره منظور کړې شوې، ترميم په حمايت کښې څلور شپيتۀ ووټونه راغلي ولې په مخالفت کښې يو ووټ هم نۀ دې اچولې شوې، سينيټ د آئيني ترميم نهه پنځوس شقونو مرحله وار منظوري ورکړې، په دې موقع اپوزيشن اراکينو سخت احتجاج کړې او د آئيني ترميم کاپيانې ئې شلولې دي،اپوزيشن سينيټ اجلاس نه واک آؤټ کړې ، د پي ټي آئي سينيټر سيف الله ابړو او جے يو آئي سينيټر احمد خان بل په حمايت کښې ووټ ورکړېدې ۔
اسلام آباد (لياقت علي خټک) چيئرمين يوسف رضاګيلاني په مشرۍ کښې د سينيټ اجلاس شوې، اجلاس ته قانون وزير اعظم نذير تارړ د اووۀ ويشتم آئيني ترميم بل وړاندې کړېدې ۔
سينيټ آئيني ترميم دو تهائي اکثريت سره منظور کړې، د آئيني ترميم په حق کښې څلور شپيتۀ اراکينو ووټ اچولې دې، ولې مخالفت کښې يو ووټ هم نۀ دې اچولې شوې ۔
چيئرمين سينيټ د ووټنګ عمل مکمل کيدو وروستو د آئيني ترميم منظورۍ اعلان کړېدې، هغه اووئيل چې اووۀ ويشتم ترميم په حق کښې څلور شپيتۀ ووټونه اچولې شويدي، د ن ليګ پارليماني ليډر عرفان صديقي سخت بيمار او په وينټي ليټر دې، هغۀ ووټ نه دې اچولې ۔
چيئرمين سينيټ اووئيل چې ټول اراکين مو د آئيني ترميم کښې بحث برخه جوړ کړيدي، د ميثاق جمهوريت لاندې مو ټولو سياسي ډلو سره خبرې اترې کړي، کوشش مو کړې چې په متفقه توګه آئيني ترميم منظور کړو ۔
تر دې وړاندې سينيټ اجلاس کښې د اووۀ ويشتم آئيني ترميم نهه پنځوس ټول شقونو مرحله وار منظور کړې شوي وو، د تحرک انصاف سينيټر سيف الله ابړو او جمعيت علمائے اسلام فضل الرحمان ډلې سينيټر احمد خان هم آئيني ترميم په حق کښې ووټ اچولې دې ۔
بل په حق کښې ووټ ورکونکو کښې د پيپلز پارټې پينځۀ ويشت، ن ليګ شل او شپږ آزاد سينيټران شامل دي، ايم کيو ايم درې، اے اين پي درې، بي اے پي څلور،د ق ليګ يو سينيټر هم بل په حق کښې ووټ اچولې دې ۔
په دې موقع اپوزيشن اراکينو د چيئرمين سينيټ ډائس ګيراؤ کړې وو، اپوزيشن سخت احتجاج او د آئيني ترميم کاپېانې ئې شلولي دي، اپوزيشن د ترميم په حق کښې د ووټونو شميرلو اعتراض کړې وو، اپوزيشن اراکينو وئيلي چې د ووټونو شميرلو نه بغير څنګه ترميم کيدېشي،اپوزيشن د سينيټ اجلاس څخه واک آؤټ کړې وو ۔
د آئيني ترميم منظورۍ نه پس د پي ټي آئي سينيټر سيف الله ابړو سينيټ کښې مکتصر خطاب کړې او دې څوکۍ نه ئې د مستعفي کيدو اعلان کړېدې ۔
سيف الله ابړو اووئيل چې پاک بهارت جنګ کښې د پاکستان کاميابي ټول قام لپاره فخر دې، صدر ټرمپ چې څومره عزت زمونږ فيلډ مارشل ته ورکړې ، دومره ئې د ملک صدر او وزيراعظم ته هم نۀ دې ورکړې ۔
هغه مخکښې اووئيل چې دې ايوان کښې به دا کار اول فروغ نسيم کولو، اوس ئې اتحادي حکومت کوي، چې پي ټي آئي حکومت راشي بيا به ئې بيرسټر علي ظفر کوي ۔
