د پي ټي آئي رهنما سهيل آفريدي د خېبرپښتونخوا نوې وزيراعلیٰ منتخب شويدې، سهيل آفريدي ته د يو سل پنځه څلويښت اراکينو ايوان کښې نوي ووټونه ميلاؤ شوي ، ولې اپوزيشن جماعتونو د وزيراعلیٰ د انتخاب نه بائيکاټ کړې وو ۔
پيښور: خېبرپښتونخوا اسمبلۍ اجلاس د سپيکر بابر سليم سواتي مشرۍ کښې شوې چې پکښې د نوې وزيراعلیٰ انتخاب لپاره ووټنګ شوېدې، د پي ټي آئي رهنما محمد سهيل آفريدي نوي ووټونه اخستو سره د خېبرپښتونخوا نوې وزيراعلیٰ منتخب شوې ۔
سهيل آفريدي د صوبائي اسمبلۍ يو سل پنځه څلويښت اراکينو کښې نوي ووټونه اخستي او د صوبې ديرشم وزيراعلیٰ منتخب شويدې، ولې اپوزيشن جماعتونو بائيکاټ کړې وو ۔
اپوزيشن جماعتونو د وزيراعلیٰ انتخاب غير قانوني ګرځولې او ايون او د وزيراعلیٰ انتخاب نه ئې بائيکاټ کړې وو ۔
ايوان ته خطاب کښې اپوزيشن ليډر ډاکر عباد الله اووئيل چې علي امين ګنډاپور خپله استعفیٰ ورکړې ، چې ترڅو استعفیٰ منظوره شوي نۀ وي او کابينه تحليل شوي نۀ وي تر هغې د نوې وزیر اعلیٰ انتخاب عمل نۀ شي شروع کيدې ۔
ډاکټر عباد الله اووئيل چې دا غير آئيني او غير قانوني کار دې، او مونږ به د غير آئيني عمل برخه نۀ جوړيږو، پي ټي آئي پخپله دا عمل شکمن کړېدې ۔
بلخوا سپيکر بابر سليم سواتي رولنګ ورکړې چې د نوې وزیر اعلیٰ د انتخاب عمل د قانون مطابق دې، د يو څو کسانو خواهش دې چې سهيل آفريدي وزیر اعلیٰ جوړ نۀ شي، علي امين ګنډاپور دوه ځله خپله استعفی ګورنر ته ليږلې او پخپله ئې وئيلي چې هغه مستعفي شويدې ۔
بابرسليم سواتي دا هم اووئيل چې د وزیر اعلیٰ انتخاب کول زما ذمه واري ده، زۀ د علي امين ګنډاپور مستعفي کيدل او د نوې وزیر اعلیٰ انتخاب د قانون مطابق ګرځوم ۔
د خېبرپښتونخوا اسمبلۍ اراکينو مجموعي تعداد يو سل پنځه څلويښت دې، چې پکښې د پي نټي آۍي اراکينو شميره درې نوي او اپوزيشن غړو تعداد دوه پنځوس دې، د نوې قائد ايوان منتخب کيدو لپاره دري اوويا ووټو پکار وو ۔
