د ډيره اسماعيل خان رته کلاچي سيمه کښې پوليس ټريننګ سينټر باندې حمله ، آئي ايس پي آر وئيلي چې حمله کونکي پنځه ترهه ګر وژلي شوي، ترهه ګرو سره انښته کښې شپږ پوليس اهلکار او د جومات امام شهيدان شويدي، ترهه ګرو حمله کښې يو عام کس پشمول دولس پوليس اهلکار ژوبل شويدي ،ترهه ګرو د بارودو ډک ګاډې د ټريننګ سکول مرکزي دروازې سره جنګولې وو، ترجمان وئيلي چې د ترهه ګرو ناپاک عزائم ناکامه کړې او هغوي ئې خپل انجام ته رسولي دي ۔
د پاک فوج اطلاعاتو شعبې له لوري جاري بيان کښې وئيلي شوي چې بيګا د شپې ناوخته د رته کلاچي سيمې پوليس ټريننګ سکول باندې ترهه ګرو حمله کړې ، حملې سره سم ترهه ګرو د بارودو نه ډک ټرک د ټريننګ سکول مرکزي ګيټ سره جنګولې ، چې ورسره چاودنه شوې وه، او بيا مختلف وردو کښې ترهه ګر سکول ته داخل شوي وو ۔
آئي ايس پي آر مطابق سيکيورټي باندې تعينات اهلکارانو بهادرۍ سره مقابله کړې او د وسله والو ناپاک عزائم ئي ناکامه کړيدي، وسله والو ناکامۍ لوجې د بارودو نه ډک ګاډې د ټريننګ سکول ګيټ سره جنګولې دې ۔
آئي ايس پي آر ترمخه پوليس ځوانانو جوابي کاروائي کښې درې ترهه ګر وژلي دي، دوه ترهه ګر ئې په يو ودانۍ کښې ګير کړي وو، چې له وروستو سيکيورټي فورسز کليئرنس آپريشن دوران خپل انجام ته اورسول ۔
آئي ايس پي آر وائي چې د ډزو په بدلون کښې شپږ پوليس اهلکاران شهيدان شوي چې پکښې ټريني هم شامل وو، ولې دولس اهلکاران ژوبل شويدي، ژوبل کسانو کښې يو عام وګړې هم شامل دې ۔
ترهه ګرو سکول کښې دننه په جومات هم حمله کړې او د جومات امام ئې هم شهيد کړې دې ۔
آئي ايس پي آر زياتوي چې کليئرنس آپريشن به جاري وي، د حملې ذمه داران به انصاف کټهرے ته راويستلې شي، فورسز د ملک نه ترهه ګرۍ خاتمې لپاره پرعزم دي ۔
