د ډيره اسماعيل خان په درابن سيمه کښې سيکيورټي فورسز کاروائي کړې، آئي ايس پي آر وائي چې کاروائۍ کښې فتنه الهندوستان اووه ترهه ګر وژلي شوي، ترهه ګرو سره د ډزو تبادله کښې د پاک فوج يو ميجر هم شهيد شوې ۔
د پاک فوج اطلاعاتو شعبې آئي ايس پي آر له لوري جاري بيان کښې وئيلي چې سيکيورټي فورسز د ډيره اسماعيل خان په جنرل ايريا درابن سيمه کښې په خفيه اطلاع عمليات کړې چې پکښې ئې د هندوستان سپانسرډ اووه ترهه ګر وژلي دي ۔
آئي ايس پي آر وائي چې دډزو تبادله کښې د پاک فوج ميجر سبطين حيدر شهيد شوې، شهيد ميجر په بهادرۍ سره د خپلې دستې قيادت کولو ، چې د ترهه ګرو سره د ډزو تبادله کښې شهيد شو ۔
آئي ايس پي آر زياته کړي چې وژلي شوي ترهه ګرو نه درنه وسله هم ترلاسه شوې ده ۔
وژلي شوي ترهه ګر په سيکيورټي فورسز، قانون نافذ کوؤنکې ادار او عام خلقو باندې حملو کښې ککړ وؤ، امنيتي ځواکونو د ملک نه ترهه ګري د جرړې نه ختموؤلو عزم کړې ۔
