وزيراعظم شهبازشريف د ملائشيا وزيراعظم انور ابراهيم سره ملاقات کړې، په دې موقع دوه اړخيزه تجارت پشمول مختلفو شعبوکښې دوه اړخيزه اړيکو ته نوره وده ورکولو باندې اتفاق شويدې،شريکې خبري غونډې ته وينا کښې وزيراعظم شهبازشريف ملائشيا يو ترقي يافته ملک جوړولو کښې د وزيراعظم انور ابراهيم کردارستائلې دې،وزيراعظم وئيلي غواړو چې د ملائشيا د تجربات نه استفاده اوکړو،او دې لړ کښې مشترکه منصوبې شروع کولو خواهش لرو،بلخوا انورابراهيم وئيلي چې ترهه ګرۍ خاتمې لپاره به د پاکستان هر قسمه مرستې کوؤ ۔
ملائشيا دورې په موقع د وزيراعظم شهبازشريف په درناوي کښې استقباليه تقريب شوې ، کولالمپور کښې وزيراعظم هاؤس ته په تګ د شهبازشريف درون هرکلې شوې او هغه ته ګارډ آف آنر هم پيش کړې شويدې ۔
روستو د ملائشيا وزيراعظم انور ابراهيم سره شريکې خبري غونډې ته وينا کښې وزيراعظم شهبازشريف اووئيل چې د زما د ملائشيا وړمبۍ دوره ده ، په تود هرکلي د ملائشين صدر او وزيراعظم شکريه ادا کوم ۔
د وزيراعظم شهبازشريف وينا وه چې ملائشيا يو ترقي يافته ملک جوړولو کښې د وزيراعظم انور ابراهيم کردار ډير اهم دې، مونږ غواړو چې د هغوي د تجربات نه ګټه پورته کړو او د شريکې منصبو شروع کولو خواهش لرو ۔
په دې موقع د ملائشين وزيراعظم وينا وه چې شهباز شريف سره مې په علاقائي او عالمي معاملات ژورې خبرې اترې شوي، دواړه ملکونه په غزه کښې مسلمانانو باندې کيدونکي صهيوني ظلم خلاف په شريکه آواز پوره کوي چې د فلسطيني اولس مشکلاتو خاتمه اوشي ۔
د وزيراعظم انور ابراهيم وينا وه چې د پاکستان او ملائشيا تعلقات وخت تيريدو سره نور هم مضبوط شوي ، په ترهه ګرۍ قابو موندلو لپاره به پاکستان سره هر ممکن مرستې کولې شي، او دا چې منطقه کښې د امن او استحکام لپاره د پاکستان او هندوستان ترمينځ امن قائميدل انتهائي اهم دي ۔
