آزاد کشمير کښې پينځه ورځو نه جاري احتجاج ختم ، حکومتي مذاکراتي کميټي او عوامي ايکشن کميټي ترمينځ معاهده شوې، او فريقينو په دغه لوظنامه لس ليک هم کړېدې ۔
مظفر آباد کښې مشترکه پريس کانفرنس دوران د معاهدې اعلان شوې دې ، د وفاقي حکومت د مذاکراتي کميټۍ رکن رانا ثنا الله وئيلي چې دا معامله په ښۀ طريقه حل شوې ده ، د عوامي ايکشن کميټي جائز مطالبات منظور شوي دي ۔
هغه زياته کړه چي د فريقينو ترمينځ معاملو حل کولو لپاره ليګل ايکشن کميټي جوړه کړې شوي ، کميټي به پينځلس ورځې پس مذاکرات کوي ۔
په دې موقع د پيپلز پارټي مشر راجه پرويز اشرف اووئيل چې ځيني عناصرو معاملات د نورو خرابولو اميد کولو ولې د هغوي ټولي منصوبي ناکامه شويدي ۔
هغه اووئيل چې کشمير کښې امن قائمول د ټولو ذمه واري ده ، اوس کميټي تشکيل شوې ، سړکونو ته د راوتو څۀ ضرورت نيشته ، خپلې مسئلې او شکايات دې کميټۍ ته وړاندې کړي ۔
