د بلوچستان دوه ضلعو کښې سيکيورټي فورسز کامياب عمليات کړي، آئي ايس پي آر وئيلي چې کاروائيانو کښې ديارلس ترهه ګر وژلي شوي، وژلي شوي ترهه ګر مختلفو کاروائيانوکښې ککړ وو او قبضې نه ئې وسله او ګوله بارود هم ترلاسه شويدي ۔
آئي ايس پي آر طرف نه جاري شوي بيان کښې وئيلي شوي چې اولنې کاروائي کوئټه کښې په خفيه اطلاع شوې ،او دې دوران ترهه ګرو د ډزو شديد تباله هم شوېده ۔
د آئي ايس پي آر په بيان کښې وئيلي شوي دي چې کاروائۍ کښې بهارتي سپانسرډ لس ترهه ګر خپل انجام ته رسولي شويدي ۔
بيان مطابق دوئمه کاروائي کيچ سيمه کښې شوې ، چرته چې د ترهه ګرو پټې ټهکانې کاميابۍ سره په نښه کړې شويدي۔
آئي ايس پي آر ترمخه کيچ کښې شوې کاروائۍ کښې درې ترهه ګر وژلي شوي دي ۔
وژلي شوي ترهه ګرو قبضې نه درنه وسله او ګوله بارود ميلاؤ شوي، او دوي د تخريب کارۍ مختلفو پيښو کښې ککړ وو ۔
ترجمان پاک فوج وئيلي چې ملک کښې موجود بهارتي سرپرستۍ کښې کار کونکي ټول ترهه ګرو خاتمې لپاره پرعزم يو ، ترهه ګر او د هغوي سهولت کار به خپل انجام ته رسولې شي ۔
