د پاک فوج ترجمان ليفټيننټ جنرل احمد شريف چودهري وئيلي دي چې پاکستان څلويښت کاله د افغان کډوالو ميزباني کړي ، مصدقه شواهد لرو چي غيرقانوني افغان کډوال پاکستان کښې په ترهه ګرۍ او نور سګين جرمونو کښې ککړ دي ، وائي چې ترهه ګر د امريکي پريښودې وسله د پاکستان خلاف استعمالوي ، بهارت په رياستي توګه پاکستان کښې جاري ترهه ګرۍ کښې ککړ دي ۔
جرمن ميډيا سره مرکې په وخت ډي جي آئي ايس پي آر ليفټينټ جنرل احمد شريف چودهري وئيلي چې د افغان کډوالو واپسۍ لپاره منظم ګامونه پورته کړې شوي ، د کډوالو واپسۍ په ډيډلائن کښې څو واري توسيع شوې ده ۔
ترجمان پاک فوج اووئيل چې افغان کډوالو ته پناه ورکولو بنيادي وجوهات غير ملکي مداخلت او خانه جنګي وه ، داسې مصدقه شواهد لرو چې غير قانوني افغان کډوال ترهه ګرۍ او او نور سنګين جرمونو کښې ککړ دي ۔
ډي جي آئي ايس پي آر زياته کړې چې پاکستان د ترهه ګرۍ خلاف د ټولو زياتې قربانۍ ورکړي ، افغانستان کښې د امريکې لخوا پريښودې شوې وسله ترهه ګر پاکستان کښې د حملو لپاره استعمالوي ۔
ډي جي آئي ايس پي آر وينا وه چې بهارت په رياستي توګه پاکستان کښې جاري د ترهه ګرۍ پيښو کښې ککړ دې ، د بهارتي فوج حاضر سروس افسرانو د ککړتيا ثبوتونه لرو ، د بهارت ترهه ګرۍ ثبوتونه نړيوال ورورولۍ سره شئير شوي ۔
