ملک کښې د ګرانۍ ، لاقانونيت او بے روزګارۍ نه تنګ اتۀ ويشت لکه ،څلور نوي زره، شپږ سوه پينځه څلويښت پاکستانيان بهر ملکونو ته تلي دي ، ملک پريښودونکو کښې ډاکټران ، انجينئران ، آئي ټي ايکسپرټس ، استاذان ، بينکرز ، اکاؤنتنټس ، آډيټرز ، ډيزائنرز او آرکيټيکچرز شامل دي ۔
اسلام آباد: د پروټيکټر او اميګرانټس محکمې رپورټ مطابق تير درې کالو دوران د ملک نه په لکونو خلق غربت ، بے روزګارۍ او ګرانۍ لوجې تنګ شوي دي ۔
رپورټ مطابق دغه پاکستانيانو ملک پريښودلې ، بهر ملکونو ته تلونکي کښې په لوئې شميره کښې هاغه کسان هم شامل دي چاته چي ملک کښې روزګار شروع کولو کښې مشکلات رامخې ته وو ۔
بهر ملکونو ته تلونکو کښې زنانه هم په لويه شميره کښې شاملې دي ، بهر ملک ته تلونکو کښې ډاکټران ، انجينئران ، آئي ټي ايکسپرټس ، استاذان ، بينکرز ، اکاؤنتنټس ، آډيټرز ، ډيزائنرز ، آرکيټيکچرز او نور يو شمير شعبو سره تعلق لرونکي پاکستانيان شامل دي ۔
رپورټ ترمخه دغه کسانو کښې پلمبرز ، ډرائيوران او ويلډرز پشمول نور کسان هم د روزګار په لټون کښې بهر ملکونو ته تلي دي ۔
