د نامتو ليکوال او بابائے خاکه ګل محمد بېتاب د خاکو کتاب د اباسين په غاړه د مخکتنې دستوره اکادمي ادبيات پاکستان اسلام آباد کښې شوې، د دستورې بابيا پښتو ادبي سوسائټۍ اسلام آباد کړې وه ۔
د نامتو ليکوال او بابائے خاکه ګل محمد بېتاب د خاکو کتاب ”د اباسين په غاړه“ د مخکتنې دستوره اکادمي ادبيات پاکستان اسلام آباد کښې شوې ده ۔
مېجر محمد عامر، ډاکټر فصيح الدين اشرف او ډاکټر ګلزار جلال يوسفزے مشران مېلمانه وو او د دستورې د نظامت چارې سردار يوسفزي ترسره کړيدي ۔
ګل محمد بېتاب د کالج طالب علمۍ د زمانې راهسې د شعر و ادب سره تعلق ساتي،د ګڼو ادبي تنظيمونو غړې پاتې شوې دې، او په ګڼو ادبي مشاعرو ، کانفرنسونو او تنقيدي غونډو کښې کښې ئې هم ګډون کړېدې ۔
ګل محمد بېتاب زپات وخت د يو صحافي په توګه کار کړې، ۔د پښتو او اردو ګڼو اخبارونو کښې ليک سره سره د اردو ژبې ورځپاڼو کښې هم په مختلفو څوکو کار کړيدې ۔
ګل محمد بېتاب د ريډيو پاکستان پيښور سره د کال نورلس سوه نوي نه تر د کال دوه زره دوه ويشتم پورې د سياسي مبصر په توګه مستقل کار کړې او خواؤشا شپږ سوه ډرامې ئې ليکلي دي ۔
په دغه ډرامو کښې يوه ډرامه دوه سوه دري ويشت قسطونو باندې مشتمل وه چې د ”نمر په چنارونو “ په نامه څو کاله نشر کيدله ۔
ګل محمد بېتاب د ډرامو سره سره پښتو خاکه نګارۍ کښې هم ډير کار کړې او د 100 نه زياتې خاکې ئې هم ليکلي دي ۔
تر اوسه د ګل محمد بېتاب چاپ شوي کتابونو کښې قافله ، د چرچڼو توت ، روښانه څهرې ، د دستار سړي ، د علم ښار، د احاديثو د مجموعو او امامانو په حقله معلوماتي فيچرونه ، تاريخي مرکې ، د نوموړو ليکوالو سره مرکې ، باچا خان ، د سر سړي ،خوشحال خان خټک او د کار سړي شامل دي ۔
