پاکستان ايشيا کپ کښې تيره ورځ د بهارت خلاف ميچ کښې د ميچ ريفري په رويے سخت ايکشن اخستې، پي سي بي د ريفري نۀ لرې صورت کښې د ايشيا کپ نور ميچونه نۀ لوبولو فيصله کړې ، محسن نقوي وئيلي چې مونږ د آئي سي سي ته شکايت کړې چې ميچ ريفري د کرکټ سپرټ خلاف اقدامات کړي، پي سي بي ريفري اينډي پائي کرافټ لرې کولو غوښتنه کړې ۔
لاهور: پي سي بي لخوا نه آئي سي سي ته واضحه کړې شوې که چرې د ميچ ريفري بدل نکړې شو نو پاکستان به ايشيا کپ کښې نور ميچونو کښې برخه نۀ اخلي ۔
په دې حواله پي سي بي چيئرمين محسن نقوي وئيلي دي چې قامي کرکټ بورډ آئي سي سي ته شکايت کړې چې ميچ ريفري د کرکټ سپرټ خلاف اقدامات کړيدي ۔
هغه اووئيل چې د ميچ ريفري لخوا د آئي سي سي کوډ آف کنډکټ خلاف باندې باضابطه شکايت کړې شوېدې، پي سي بي د ميچ ريفري اينډي پائي کرافټ لرې کولو غوښتنه کړېده ۔
څرګنده دي وي چې تيره ورځ پاکستان او بهارت ترمينځ لوبېدلې ايشيا کپ ميچ کښې ريفري اينډي پائي کرافټ دواړه کپتانان د ټاس نه پس يو بل سره لاس ميلاؤلو نه منع کړي وو ، په کوم چې ايشين کرکټ کونسل صدر او د پي سي بي چيئرمين محسن نقوي سخت نوټس اخستې دې ۔
