ایشیا کپ کښې پاکستان فاتحانه آغاز کړې او خپل اولني ميچ کښې ئې عمان ته په درې نوي رنز شکست ورکړېدې ، دپاکستان يو سل يو شپيتۀ رنز هدف جواب کښې د عمان ټول ټيم اوولسم اوور کښې اووۀ شپيتۀ رنز باندې آؤټ شويدې ۔
دبئي کښې لوبيدلې د ايشيا کپ څلورم ميچ کښې پاکستان ټاس ګټلو نه پس اول پخپله د بيټنګ فيصله کړي وه ۔
پاکستان مقرره اوورز کښې اووه وکټو په زيان يو سل شپيتۀ رنز جوړ کړي، پاکستان طرف نه ټولو نه زيات محمد حارث په شپږ شپيتۀ رنز آؤټ شوې وو ، فخر زمان په دري ويشت او شاهين شاه په دوه رنز ناټ آؤټ پاتې شوي ۔
صاحبزاده فرحان نهه ويشت،محمد نواز نورلس، حسن نواز نهه، صائم ايوب او کپتان سلمان آغا بغير د رن جوړولو آؤټ شوي دي ۔
عمان طرف نه عامر کليم او شاه فيصل درې ، درې او محمد نديم يو وکټ په خپل نوم کړي دي ۔
د پاکستان يوسل يو شپيتۀ رنز هدف په تعاقب کښې د عمان ټول ټيم شپاړس اعشاريه څلور اوور کښې آؤټ شوې او پاکستان په درې نوي رنز ميچ ګټلې دې ۔
عمان طرف نه ټولو نه زيات حماد مرزا اووۀ ويشت رنز جوړ کړي وو، عامر کليم ديارلس او شکيل احمد په لس رنزباندې آؤټ شوې وو ۔
پاکستان طرف نه صائم ايوب، سفيان مقيم او فهيم اشرف دوه ، دوه وکټې اخستې وې، شاهين شاه آفريدي، ابرار احمد او محمد نواز يو، يو وکټ په خپل نوم کړې وې ۔
ميچ کښې شاندار شپږ شپيتۀ رنز جوړولو باندې محمد حارث ته د بهترين لوبغاړي انعام ورکړې شويدې ۔
ميګا ايونټ کښې به د پاکستان دوئم ميچ د اتوار په ورځ روايتي حريف بهارت سره لوبيږي ۔
