د پاک فوج کامياب آپريشن دوران نيولې شوې ترهه ګر عبدالصمد د ترهه ګرو حوالې سره انکشافات مخې ته راغلي دي، وئيلي دي چې څلور کاله مې افغانستان کښې تير کړيدي، چې کله مې د ترهه ګرو غير اسلامي کارونه اوليدل نو پوهه شوم چې دا ټول ترهه ګر ډير لوئې منافقان دي، دوي به جوماتونو کښې غلط کارونه کول، سندرې به ئې هم جوماتونو کښې اوريدې ۔
د پاک فوج کامياب آپريشن دوران نيولې شوې ترهه ګر عبدالصمد خپل ويډيو بيان کښې وئيلي چې خواؤشا څلور کاله مېن افغانستان کښې تير کړي، او افغانستان کښې مې ټريننګ ترلاسه کړېدې ۔
هغه اووئيل چې افغانستان کښې د ګل بهادر ډلې کمانډر صادق سره ميلاؤ شوې ووم، او بيا زنګوټي سيمې ته تلې وو، چرته چې د اسد ملا نومې ترهه ګر ډله کښې شامل شوې ووم
ګرفتار ترهه خپل بيان کښې اووئيل چې اسد ملا به مينار والا جومات کښې فوج ته مرتد وئيل، آئي اي ډيز، مائنز او ډرون بمونه به ئې جوړول ، او دې دوران به جومات کښې غير اخلاقي ويډيو هم چليدل ۔
هغۀ اووئيل چې ملا اسد به جومات کښې هاغه کارونه کول چېۍ د کومو اجازت شريعت کښې نيشته، دوي هسې په نوم مسلمانان دي، د دوي ټول کارونه د کافرانو او منافقينو دي ، مونږ ته به ئې آئي اي ډېز او مائنز راکول چې فوج خلاف ئې استعمال کړو ۔
ترهه ګر مخکښې اووئيل چې کله مې د دغه ترهه ګرو کارونه اوليدل نو پوهه شوم چې دوي د کافرانو نه هم بدتر دي، د جوماتونو سپکاوې به ئې هم کولو ۔
ويډيو بيان کښې ترهه ګر دا هم وئيلي چې پنځه کاله مې ترهه ګرو سره او صرف پنځه ورځې مې فوج سره تيرې کړي، خو دا ګواهي کوم چې فوج منافق نۀ دې، بلکه طالبان منافقان دي، فوج صحيح او ترهه ګر ټول په غلطه دي ۔
