د ايشيا کپ دوه زره پنځه ويشتم ټرافۍ د مخ کتنې دستوره دبئي کښې شوې، د ايشين کرکټ کونسل صدر محسن نقوي د ټرافۍ مخ کتنه کړې او په دې موقع ميګا ايونټ کښې شامل د اتۀ ټيمونو کپتانان هم موجود وو، د ټولو ټيمونو کپتانانو مشترکه خبري غونډې ته وينا کړې او د سوالونو جوابونه ئې هم ورکړېدي، دوي د ايشيا کپ ټرافي ګټلو عزم څرګند کړېدې ۔
دبئي کښې د ايشيا کرکټ ټوي ټيونټي ټورنامنټ ټرافۍ مخ کتنې دستوره شوې ، د ايشين کرکټ کونسل صدر او پاکستان کرکټ بورډ چيئرمين محسن نقوي د ټرافۍ مخ کتنه کړېده ۔
په دې موقع د کوربه ټيم يو اے اي پشمول د پاکستان، بهارت، افغانستان، بنګله ديش، سري لنکا،اومان او هانک کانګ ټيمونو کپتانان موجود وو ۔
په دې موقع د ټولو ټيمونو کپتانانو د ايشيا کپ ټرافي ګټلو عزم څرګند کړې او وئيلي دي چې دوي دې ايونټ لپاره زبردست تياريانې کړېدي ۔
خبري غونډې ته وينا کښې د پاکستان ټيم کپتان سلمان علي آغا وئيلي چې زمونږ تياري مکمل ده، ټولو چيلنجونو ته تيار يو، د ايشيا کپ ټرافي ګټلو لپاره ژمن يو ۔
سلمان علي آغا مخکښې اووئيل چې مونږ ته معلومه ده چې پاکستاني ټيم کښې چرته چرته مسئلې دي، ولې مونږ په هر پوائنټ بهرپور توجو ورکوؤ ۔
د بهارتي ټيم کپتان سوريا کمار ياديو وينا وه چې مونږ ايشيا کپ لپاره پرجوش يو، ټي ټوينټي فارميټ کښې هر ټيم غير معمولي کارکردګي ښودلې شي او مونږ مکمل تياري کړي ده ۔
د کوربه ټيم کپتان محمد وسيم اووئيل چې مونږ دې وړاندې سه فريقي سيريز کښې لوبه کړې او لوئې لوبغاړو سره لوبيدلي يو، د دې لوبې مونږ ته ډيره فائده ميلاؤ شويده ، پاکستان ټيم وي او کۀ بهارت، د بهترين کارکردګۍ کوشش به کوؤ ۔
د افغانستان ټيم کپتان راشد خان اووئيل چې مونږ به سخت محنت کوؤ زمونږ لپاره دا ايونټ ډير مهم دې، د ګټلو پورا کوششونه به کوؤ ۔
د بنګله ديش ټيم کپتان ليتن داس اووئيل چې مونږ آخري ټي ټويني سيريز کښې غوره لوبه کړې او دغې ګټې سره مونږ ته اعتماد ميلاؤ شويدې ۔
