درې ملکونو باندې مشتمل د ټي ټوينټي سيريز فائنل ميچ کښې پاکستان په پنځه اوويا رنز افغانستان ته شکست ورکړې او ټرافي ئې په خپل نوم کړېده ، د پاکستان يو سل يو څلويښت رنز جواب کښې د افغانستان ټول ټيم په شپږ شپيتۀ رنز آؤټ شوې دې ۔
شارجه کرکټ ګراؤنډ کښې لوبيدلې درې ملکونو باندې مشتمل ټي ټوينټي سيريز فائنل ميچ کښې پاکستان ټاس ګټلو نه پس اول پخپله د بيټنګ فيصله کړې وه ۔
پاکستان مقرره اوورز کښې اتۀ وکټو په زيان يو سل يو څلويښت رنز جوړ کړي وو چې پکښې ټولو نه زيات فخر زمان اووه ويشت، محمد نواز پنځه ويشت، سلمان آغا څليريشت ، حسن نواز او فهيم اشرف پنځلس، پنځلس رنز باندې آؤټ شوي وو ۔
افغانستان طرف نه راشد خان درې، فضل حق فاروقي او نور احمد دوه، دوه وکټې اخستې وې ۔
د مقرره هدف په تعاقب کښې د افغانستان ټول ټيم شپاړسم اوور کښې صرف په شپږ شپيتۀ رنز آؤټ شوې او په پاکستان ترې په پنځه اوويا رنز فائنل ميچ ګټلې دې ۔
پاکستان طرف نه محمد نواز شاندار او تباه کن باولنګ کړې او پنځه وکټې ئې په خپل نوم کړيدي، ابرار احمد او سفيان مقيم دوه، دوه او شاهين شاه آفريدي يو وکټ په خپل نوم کړې وه ۔
ميچ کښې پنځه وکټې اخستو او ټول سيريز کښې شاندار آل راؤنډ کارکردګۍ باندې محمد نواز د فائنل مقابلې او ټورنامنټ بهترين لوبغاړې ګرځولې شويدې ۔
ليګ ميچونو کښې کوربه ټيم متحده عرب امارات يو ميچ هم نۀ وو ګټلې او د سيريز نه بهر شويدې ، پاکستان د يو اے اي نه دواړه ميچونه ګټلي وو او افغانستان نه ئې يو ګتلې وو او يو ئې بيللې وو ۔
افغانستان هم د کوربه ټيم نه دواړه ميچونه ګټلې وو او پاکستان نه ئې يو بيللې وو او يو کښې ئې کاميابي ترلاسه کړې وه ۔
