وزير اعظم شهباز شريف بيجنګ کښې د خپل چيني هم منصب لي چيانګ سره ملاقات کړې چې پکښې دواړؤ رهنماؤ پاک چين تعلقات نورمضبوطولو د ارادې پخلې کړې ، دې نه علاوه ملاقات کښې سي پيک فيز ټو پشمول په پينځه نوي کوريډور تيزۍ سره د کار کولو اتفاق هم شوې ، وزيراعظم د ايس سي او په کامياب ميزبانۍ چين ته اومبارکي ورکړې او وئيلي دي چې د چين ترقياتي ماډل نه زدکړه کول غواړو ۔
وزيراعظم شهبازشريف دا وخت د چين په شپږ ورځنې سرکاري دوره دې ،چرته چې هغۀ د عوامي جمهوريه چين وزيراعظم لي چيانک ترمينځ د وفود په سطح ملاقاتونه شويدي، چيني وزيراعظم لخوا شهبازشريف په اعزاز کښې ظهرانه هم ورکړې شوي وه ۔
په دې موقع دوانړو مشران د پاک چين تعلقاتو په مثبت رفتار د اطمينان اظهار کړې، وزيراعظم شهبازشريف دپاکستان علاقائي سالميت ، خودمختاري او سماجي و اقتصادي ترقۍ لپاره په غير متزلزل حمايت د چيني قيادت د زړۀ د کومي شکريه ادا کړيده ۔
دې ترڅنګ دوانړو مشرانو د صدر شي جن پنګ او وزيراعظم شهبازشريف ترمينځ شوي ملاقات کښې طے شوې اهم اتفاق رائے په رنړه کښې پاک چين سټرېټيجک تعاون نور مضبوط جوړولو عزم اعاده هم کړېده ۔
په دې موقع دواړو ملکونو ترمينځ مشترکه ايکشن پلان دوه زره څليريشتم او نهه ويشتم باندې دستخط کول يو اهم پيشرفت ګرځولې شوي دي ۔
شهبازشريف وئيلي چې پاکستان کښې اصلاحاتي اقداماتو مثبت نتائج د چين بهرپور حمايت لوجي ممکن شويدي، هغه چيني کيپټل مارکيټ کښې پانډا بانډز فراهمي لپاره د پاکستان ارادې هم په ډاګه کړېدي ۔
وزيراعظم شهبازشريف بيلټ اينډ روډ اينيشيئټيو چين پاکستان اقتصادي راهدارۍ اهم شراکت په ډاګه کړې او د قراقرم هائي وے، ايم ايل ون دوباره ترتيب کول او ګوادر پورټ آپريشنلائزين زر نفاذ په ضرور زور رواړے دي ۔
