خېبر پښتونخوا کښې د اوسنو بارانونو او سيلابونو لوجې تر اوسه پورې په مجموعی توګه څلور سوه، يوولس کسان پحق رسيدلي او دووه سوه، اته پنځوس ژوبل شويدي، د بارانونو او سيلاب لوجې درې زره،پنځه سوه اتیا کورونو ته زيان هم رسيدلې دې ۔
پيښور: پي ډي ايم اے خېبر پښتونخوا په مختلفو سيمو کښې د ديرشم اګست نه تراوسه پورې د بارانونو او سيلابونو لوجې د شوي ځاني او مالي زيان رپورټ جاري کړي، چې ترمخه ئې پنځه کسان پحق رسيدلي او پنځه ژوبل شويدي ۔
رپورټ مطابق پحق رسيدونکو کسانو کښې څلور ماشومان او يوه زنانه شامل دي ،دا پيښې د صوبې په مختلفو ضلعو پيښور ،جنوبی وزیرستان ،خېبر او ایبټ آباد کښې مخې ته راغلي دي ۔
د پي ډي ايم اے رپورټ کښې وئيلي شوي چې دې نه علاوہ د اوسنو بارانونو او سیلابونو لوجې شپږ کورونو ته هم زيان رسیدلې دې ۔
رپورټ ترمخه څښکال د پشکال بارانونو دوران تر اوسه پورې د خېبر پښتونخوا په مختلفو سيمو کښې په مجموعي توګه څلور سوه ،يوولس کسان پحق رسيدلې او دووه سوه ،اته پنځوس ژوبل شوي دي ۔
رپورټ مطابق د پشکال اوسني بارانونو او سيلابونو کښې درې زره،پنځه سوه اتيا کورونو ته زيان هم رسيدلې دې ۔
پي ډي ايم اې د متاثرہ سیمو ضلعی انتظامیو ته د امدادی کاروائیانو تندولو او د سیلاب ځپلو سره په فوري توګه د مرستو کولو هدايات هم جاري کړيدي ۔
