د ملک شمالي برخو نه پس پنجاب د سخت سيلابونو سره مخ شويدې، د پنجاب ټولو سيندونو کښې د اوچتې درجې سيلاب دې ، د لاهور پشمول د پنجاب مختلف علاقو کښې تيز باران وقفې وقفې سره جاري دې، راتلونکي څلويښت ګهنټو دوران راوي ، چناب او ستلج سيندونو کښې د اوبو سطح نور زياتيدو انديښنه ده ۔
د پنجاب ټولو سيندونو کښې د لوړې درجې سيلاب دے ، دې سره سم د صوبې مختلفو علاقو کښې وقفې وقفې سره د تيز باران سلسله جاري ده ۔ سيالکوټ کښې څه د پاسه څلور سوه ملي ميټر باران ريکارډ شوې ، تعليمي ادارې بندې کړې شوي دي ۔
نارووال ، شکر ګړھ ، لاهور ، شيخوپوره ، اوکاړه ، ساهيوال ، ټوبه ټيک سنګھ ، فيصل آباد ، جهنګ ، قصور ، پاکپتن ، وهاړي ، سيالکوټ ، ډسکه ، سمبړيال ، ګجرات ، کهاريا، ګوجرانواله ، حافظ آباد ، منډي بهاوالدين ، چنيوټ او خانيوال علاقو کښې د لوئې سيلاب انديښنه ښودلې شوېده ۔
بلخوا اين ډي ايم اے راتلونکي څلويښت ګهنټو دوران راوي ، چناب او ستلج سيندونو کښې د لوړې درجې سيلاب انديښنه ښودلې ، بهارت راوي کښې دوه لکه کيوسک سيلابي اوبو ريله پريښودې ، دې سره سم د تيز باران سره سيلابي صورتحال پيدا شوےې ، سيندونو غاړو آبادي منتقل کولو لپاره کاروائي جاري ده، تردې دمه دوه لکه پورې خلق محفوظ مقامات ته منتقل کړې شويدي ۔
اين ډى ايم اے متعلقه ادارو او ايمرجنسى سروسز ته الرټ اوسيدو هدايات جارۀ کړي، ځائي اوسيدونکو ته سيندونو، نالو، خوړونو نه لرې اوسيدو هدايات شوي او غيرضرورى سفر کولو نه منع کړې شويدي ۔
