ايف آئي اے پېښور سرکل او اے ايس ايف پيښور هوائي ډګر کښې مشترکه کاروائي کړې او د سرو زرو سمګلنګ کوشش ئې ناکامه کړېدې، کاروائۍ دوران د قامي ايئر لائن دوه اهلکاران هم نيولې شويدي۔
پيښور: ترجمان مطابق د ايف آئي اے او اے ايس ايف د شريکي کاروائۍ دوران د پېښور په هوائي ډګر د کروړونو روپو د سرو زرو سمګلنګ کولو کوشش ناکامه کړې او د پي آئي اے دوه اهلکار په موقع ګرفتار کړې شويدي ۔
د پي آئي اے د دوه اهلکارو ناصر خان او شاهد الله د قبضې نه د پېښور په باچه خان ائير پورټ اووۀ زره اووۀ سوه څلويښت ګرامه ( شپږ سوه پنځه څلويښت تولې) سرۀ زر برآمد کړے شوي دي دواړه ملزمان د پېښور په ائيرپورټ تعينات ډيوټۍ باندې وو ۔
دايف آئي اے ترجمان د وينا تر مخه ملزمانو دغه سرۀ زر بهر ملک ته سمګل کول، د ملزمانو د دوه ورځو ريمانډ حاصل کرې شوې او د نورو ملزمانو نيولو لپاره چهاپې روانې دي ۔
