د وزيراعلیٰ علي امين ګنډا پور مشرۍ کښې اعلیٰ پائې اجلاس، د سيلابونو نه وروستو پيدا شوي صورتحال جائزه اخستي شوېده، پي ډي ايم اے او نور متعلقه چارواکو د سيلابونو لوجې شوي نقصاناتو او متاثره علاقو کښې د ريليف او بحالۍ کارونو په حواله وزيراعلیٰ ته بريفنګ ورکړېدې، وزيراعلیٰ متاثره علاقو کښې د بحالي کارونه تيزولو او متاثرينو ته طبي سهولتونه ورکولو احکامات جاري کړيدي ۔
پيښور: وزيراعلیٰ علي امين ګنډاپور اعلیٰ حکاموته تباه شوي انفراسټرکچر، کورونو او نورو ودانو ته رسيدلي زيان سروے زر تر زره مکمل کولو احکامات جاري کړيدي ۔
وزيراعلیٰ سرکاري افسرانو ته ريسکيو او بحالي کارونه تيز کولو احکامات جاري کړي، اجلاس ته بريفنګ کښې وئيلي شوي چې چې سړکونو د بحالۍ لپاره محکمه مواصلات ته يو نيم ارب روپۍ جاري کړے شويدي ۔
دغه رنګ متاثره اضلاع ډپټي کمشنرانو ته پنځوس کروړه روپۍ ورکړے شويدي، په متاثره اضلاع کښې فلډ او هيلتھ ايمرجنسي نافذ کړے شوې او په صوبه کښې ريسکيو آپريشن مکمل کړې شوې او د بحالۍ کار شروع کړې شويدې ۔
وزيراعلیٰ د سرکاري محکمو لخوا نه د سيلاب نه متاثره شوي علاقو کښې په وخت کاروائي کولو باندې د اعلیٰ افسرانو ستائينه کړې ۔
وزيراعلیٰ متاثره علاقو خلقو ته دوائيانې ورکولو او طبي عمله زر تر زره تعينات کولو احکامات جاري کړي،وزيراعلیٰ حکم ورکړې چې په متاثره علاقو کښې دې د خوراک فراهمي هم يقيني شي ۔
پي ډي ايم اے ته هم حکم شوې چې هغوي سره کوم فوډ او فوډ آئټم موجود دي هغه دې په فوري توګه متاثره علاقو ته رسولو اهتمام اوکړي ۔
