حکومت د پټروليم مصنوعاتو نوې قيمتونو اعلان کړې، پټرول قيمت ئې دوه سوه څلور شپيته روپې يو شپيته پيسې في لټر برقرار ساتلو فيصله کړې، هائي سپيډ ډيزل نرخ کښې دولس روپۍ څلور اتيا پېسې في لټر د پاسه کمي کړې، خاورو تيلو قيمت کښې اووه روپۍ نورلس پېسې او لائټ ډيزلو نرخ کښې اتۀ روپۍ شل پېسې في لټر کمې کړې شوې ۔
اسلام آباد: د وفاقي خزانے وزارت لطرفه جاري کړې شوې نوټيفکيشن ترمخه حکومت د پټرولو في لټر قيمت دوه سوه څلور شپيته روپې يو شپيته پيسې برقرار ساتلو فيصله کړېده ۔
اعلاميې مطابق هائي سپيډ ډيزلو نرخ کښې دولس روپۍ څلور اتيا پېسې لټر د پاسه کمي کړې شوې چې ورسره د ډيزلو نوې نرخ دوه سوه، دوه اوويا روپۍ نهه نوي پېسې ته راکم شوېدې ۔
وزارت خزانه وئيلي چې د خاورو تيلو قيمت اووه روپۍ نورلس پېسې في ليټر کمي سره د دې نوې قيمت يوسل اووه اتيا روپۍ اووه ويشت پېسې مقرر کړې شوېدې ۔
دغه شان لائټ ډيزلو نرخ کښې هم اتۀ روپۍ شل پېسې في لټر کمې کړې شويدې، چې ورسره د لائټ ډيزلو نوې قيمت يوسل دوه شپيته روپۍ اووه ديرش پېسې في لټر مقرر کړې شوېدې ۔
د خزانه وزارت اعلاميه کښې دا هم وئيلي شوي چې د پټروليم مصنوعاتو نوې قيمتونه نن څخه عملي کړې شوي دي او دا به يوديرشم اګست پورې نافذ وي ۔
