ټول ملک کښې يوم آزادي قامي جوش او جذبې سره نمانځلې کيږي،د دې ورځې په مناسبت سرښار اسلام آباد کښې د يوديرش،د صوبو سرښارونو کښې د يويشت يويشت توپو سلامي ورکړې شويده،سحر مونځ نه پس د پاکستان د امن او استحکام لپاره خصوصي دعاګانې غوښتلي شويدي،د قائد اعظم محمدعلي جناح او علامه محمد اقبال په مزارونو د ګارډز د بدلون دستورې شويدي،د خېبر نيټ ورک مشرانو ، انتظاميې او کارمندانو ټول قام ته اته اويايمه يوم آزادي اوبارکي وړاندې کوي ۔
اسلام آباد، پيښور پشمول د ټول ملک لوئې وړو ښارونو او کلي والو سيمو کښې د پاکستان اتۀ اوويايمه آزادۍ ورځ قامي جوش او جذبې سره نمانځلې کيږي ،د ورځې په آغاز د توپو سلامي ورکړې شوې ، د سحر نمانځه نه پس د ملک پر مختګ ، يووالي ، امن او خوشحالۍ لپاره لپاره خصوصي دعاګانې هم شوي دي ۔
د ملک لوئې وړو ښارونه، لارې کوڅې، سرکاري او عام ودانو باندې قامي جهنډې لګولي شويدي، لوئي شاهراه ،سړکوکو باندې هم لوئې لوئې جهنډي او بينرې لګولې شويدي ۔
جشن آزادۍ په موقع کراچۍ کښې د باني پاکستان قائد اعظم محمد علي جناح په مزار د ګارډ بدلون دستوره شوې ، د پاک بحريه چاق وچوبند کيډټس اعزازي ګارډز فرائض سنبهال کړي ۔
لاهور کښې په د شاعر مشرق علامه محمد اقبال په مزار هم د ګارډ تبديلۍ دستوره ترسره شوې ، د پاکستان رينجرز دستي خپل فرائض پاک آرمي ته سپارلي دي ۔
تيره شپه دولس بجې کيدو سره سم پيښور ، لاهور ، کراچي ، کوئټه ،اسلام آباد او د ملک په نورو ښارونو کښي چراغا او آتش بازي شوې وه ، ځوانانو قامي بيرغونو سره سړکونو ته راوتي وو او د پاکستان زنده باد نعرې ئې پورته کړي ۔
د خېبر نيټ ورک مشرانو ، انتظاميې او کارمندانو لخوا ټول قام ته اته اوويايمه يوم آزادي مبارک شه ۔
