ويسټ انډيز دريم او آخرني ون ډے ميچ کښې پاکستان له په دوه سوه دوه رنز شکست ورکړې او سيريز ئې دوه يو سره ګټلې دې، د ويسټ انډيز دوه سوه پنځه نوي رنز هدف تعاقب کښې قامي ټيم صرف په دوه نوي رنز آؤټ شوې او ميچ سره سره ئې سيريز هم بيللې دې ۔
تاروبا ښار کښې شوې د ون ډے سيريز دريم او فيصله کن ميچ کښې د پاکستان ټيم کپتان محمد رضوان ټاس ګټلې وو او پخپله ئې د فيلډنګ فيصله کړې وه ۔
ويسټ انډيز اول بيټنګ کړې وو او پاکستان له ئې د دوه سوه، پنځه نوي رنز هدف ورکړې وو په جواب کښې قامي ټيم په دوه نوي رنز آوټ شوې، او ويسټ انډيز څلور ديرش کاله پس د پاکستان نه ون ډے سيريز ګټلي دې ۔
ويسټ انډيز لخوا کپتان شائے هوپ يوسل شل رنز سکور کړي وو ، جسټسن ګرويوز هم تيز بيټنګ کړې او په څليريشت بالونه ئې دري څلويښت رنز جوړ کړي وو ۔
پاکستان لخوا نسيم شاه او ابرار احمد دوه ،دوه ، صائم ايوب او محمد نواز يو، يو وکټ په خپل نوم کړې وې ۔
د ويسټ انډيز مقرره هدف په تعاقب د پاکستان ټول ټيم ديرشم اوور کښې دوه نوي رنز باندې راټول شوې او په دوه سوه رنز لوئې مارجن ئې ميچ بيللې دې ۔
د پاکستاني ټيم پنځه لوبغاړي صائم ايوب، عبدالله شفيق ، کپتان محمد رضوان، حسن علي او ابرار احمد بغير رن جوړولو آؤټ شوي وو، سلمان علي آغا ټولو نه زيات ديرش، محمد نواز دري ويشت، حسن نواز ديارلس او نسيم شاه شپږ رنز جوړ کړي وو ۔
ويسټ انډيز طرف نه جيډن سيلز تباه کن باؤلنګ کړې او شپږ وکټې اخستو سره د ميچ بهترين لوبغاړې ګرځولې شوې دې، ګودا کيس موتي دوه وکټې په خپل نوم کړې ۔
د د رې ميچونو ون ډے سيريز کښې لس وکټې اخستو باندې د ويسټ انډيز جيډن سيلز د سيريز بهترين لوبغاړې ګرځولې شوې دې ۔
