ګلګت کښې د خاورې ګټ راپريوتو پيښه کښې اووه کسان پحق رسيدلي او شپږ نور کسان سخت ژوبل شوي دي ، د صوبائي حکومت ترجمان وئيلي چي پيښه بيګا د شپې ناوخته هاغا وخت مخې ته راغلې وه چې کله رضاکارو دنيورز ناله کښې د سيلابي اوبو لار خالي کوله ۔
د ګلګت بلتستان حکومت ترجمان فيض الله فراق وئيلي دي چې بيګا د شپې دوه بجې خواؤشا دنيور ناله کښې رضا کارو کار کولو چې دې دوران پرې د خاورې ګټ راپريوتې دې ۔
فيض الله فراق مطابق پيښۀ کښې پنځلس پورې امدادي کارکنان د خاورې ګټ لاندې شوي، چې پکښې شپږ پحق رسيدلي او اووه نور سخت ژوبل شويدي ۔
د صوبائي حکومت ترجمان اووئيل چې ژوبل کسان هسپتال ته منتقل کړې شوي او د ګلګت هسپتالونو کښې ايمرجنسي نافذ کړې شوې ده ۔
ترجمان مخکښې وئيلي چې د ګلګت بتلستان وزيراعلیٰ حاجي ګلبر خان د پيښې نوټس اخستې ، رپورټ ئې غوښتې او ژوبل کسانو ته ئې د بهترين طبي امداد فراهمې هدايت هم کړېدې ۔
بلخوا پيښۀ کښې پحق رسيدلي اووه کسانو جنازې مونځ ادا شوې او د هغوي مړې خپلو خپلو سيمو ته ليږلې شوي دي ۔
