خېبرپښتونخوا کښې د کرپشن يو بل سکينډل مخې ته راغلې، صحت انصاف کارډ کښې اربونو روپو کرپشن انکشاف شوې، آډټ رپورټ مطابق صوبه کښې د صحت انصاف کارډ او نورو منصوبو کښې اتۀ ويشت اربه يو شپيته کروړه مالي بے قاعدګۍ شوي،نجي هسپتالونه ئې په غير ضروري توګه صحت کارډ پينل کښې شامل کړي او غير رجسټرډ هسپتالونو ته ئې اربونو روپو ادائيګانې کړيدي ۔
پيښور: آډټ رپورټ مطابق کال دوه زره اتلسم نه تر دوه زره يويشتم پورې د خېبر پښتونخوا صحت انصاف کارډ کښې اربونو روپو کرپشن انکشاف شوېدې، د صحت کارډ او نورو منصوبو کښې اتويشت اربه يو شپيته کروړه رپورټ مالي بے قاعدګي مخې ته راغلي دي ۔
نجي هسپتالونه ئي په غير ضروري توګه صحت سهولت کارډ پينل کښې شامل کړيدي، اته څلويښت کښې اوولس هسپتالونه صحت کارډ پينل کښې رجسټرډ نه وو، غير رجسټرډ هسپتالونو ته ئي اربونو روپې ادائيګانې کړيدي ۔
رپورټ کښې وئيلي شوي چې سوات کښې دوه غير رجسټرډ نجي هسپتالونه ته يو، يو ارب روپې ورکړي شويدي، دوه ديرش ډي ايچ کيو هسپتال کښې د ضرورت نه سيوا بهرتيانې کړې شويدي، چي لوجې قامي خزانے ته دوه اتيه کروړه څلويښت لکه روپې نقصان رسېدلې دې ۔
يکم مارچ دوه زره دويشتم نه سينټرل منيجمنټ انفارميشن سسټم معرفي کول وو کوم چې له دې نه کړې شوې، د صحت سهولت کارډ نه استفاده کونکو مريضانو مکمل ډيټا نيشته دې ۔
