بلوچستان کښې مستونگ سره نيزدې په ريلوے ټريک دهماکه شوې ، چاودنې لوجې د جعفر ایکسپریس شپږ بوګیانې پټړۍ نه اوښتې ، پيښۀ کښې څلور مسافر ژوبل شويدي ۔
د کوئټې نه پېښور په لور روان جعفر ایکسپریس د مستونگ ضلعې سپېزڼډ سيمه کښې په رېلوے پټړۍ چاودنې له امله حادثې ښکار شوې چې لوجې ئې شپږ بوګیانې پټړۍ نه اوښتې دي ۔
ریلوے چارواکو وئيلي دي چې د حادثې نتيجه کښې څلور مسافر ژوبل شوي دي، جعفر ایکسپریس سحر نهه بجې د کوئټې څخه روان شوې وو او کله چې ګاډې د سپيزڼډ سيمې نه تيريدو نو پټړۍ سره چاودنه اوشوه ۔
د ريلوے چارواکو مخکښې وئيلي دي چې د چاودنې له امله د جعفر ایکسپریس شپږ بوګیانې پټړۍ نه غورځيدلې وې ۔
بلخوا رحيم یار خان کښې د عوام ایکسپریس درې بوګیانې پټړۍ نه غورځيدلې دي ، دې لړ کښې ریلوے چارواکو وئيلي چې د حادثې وجه تر دې دمه نه ده معلومه شوې ۔
ياده دي وي چي څو ورځې وړاندې سبي کښې هم د رېلوے پټړۍ سره چاودنه شوې وه، چې پکښې جعفر ایکسپریس د لوئي حادثې نه بچ شوې وو ۔
