فيلډ مارشل عاصم منير د امريکې دوره کړې او دوران ئې د امريکې اعلیٰ سياسي او عسکري قيادت سره ملاقاتونه کړي ، فيلډ مارشل پاکستاني نژاد امريکائي کميونټي سره هم ملاقات کړې ، په دغه موقع پاکستاني کميونټي د پاکستان ترقۍ او خوشحالۍ کښې مرستو کولو عزم څرګند کړې دې ۔
د پاک فوج ترجمانې ادارې آئي ايس پي آر مطابق فيلډ مارشل سيد عاصم منير امريکې دورې پر مهال امريکائي سينټرل کمانډ سبکدوش کيدونکي کمانډر جنرل مائيکل اي کرلا د ريټائرمنټ تقريب او نوې ايډ مرل بريډ کوپر د چارج سنبهالولو په دستوره کښې ګډون کړې ۔
په دغه موقع فيلډ مارشل د جنرل کرلا شاندار قيادت او پاک امريکه عسکري تعلقاتو مضبوطولو کښې د هغۀ خدمات ستائلي ، فيلډ مارشل چيئرمين جوائنټ چيفس آف سټاف جنرل ډين کين سره هم ملاقات کړې چې پکښې دوه اړخيزه تعاون او په باهمي پيشه ورانه دلچسپۍ د خيالونو تبادله شوې ده ۔
آئي ايس پي آر مطابق فيلډ مارشل د امريکې جنرل ډين کين ته د پاکستان دوره کولو بلنه هم ورکړې ، آئي ايس پي آر وئيلي چې په دغه موقع فيلډ مارشل دوست هيوادونو دفاعي سربراهانو سره هم غير رسمي ملاقاتونه کړي دي ۔
آئي ايس پي آر ترمخه فيلډ مارشل پاکستاني نژاد امريکې برادرۍ سره يو انټر ايکټوسيشن کښې هم ګډون کړې چې پکښې فيلډ مارشل هغۀ ته د پاکستان په غوره مستقبل اعتماد او سرمايه کارۍ ته وده ورکولو کښې فعال کردار په ادا کولو زور راوړې ۔
د مپاک فوج ترجمانې ادارې بيان کښې مخکښې وئيلي شوي چې پاکستاني کميونټي د پاکستان ترقۍ او خوشحالۍ کښې مرستو کولو عزم اظهار کړيدې ۔
