ترجمان پاک فوج د فيلډ مارشل صدر جوړيدو ګنګوسۍ مسترد کړې او وئيلي دي چې د معرکه حق وروستو کيدونکې سياسي تجزيو هيڅ حيثيت نيشته، ترجمان پاک فوج د بهارتي وزيراعظم نريندر مودي ته خبردارې ورکړې که چرې دا ځل کښې د جارحيت کوشش اوکړو نو د جوابي کاروائۍ آغاز به د مشرقي بهارت نه کوؤلې شي، بهارت له په دې حقيقت پوهيدل پکار دي چې هغوي هم هر ځائې په وژل کيديشي ۔
دا څرګندونې ډي جي آئي ايس پي آر ليفټننټ جنرل احمد شريف چودهرې غيرملکي خبري ادارې دي اکانومسټ سره مرکه کښې کړيدي ۔
په دې موقع ترجمان پاک فوج د فيلډ مارشل عاصم منير د ملک صدر جوړيدو خبرونه سختي سره مسترد کړې او وئيلي دي چې دې حوالې سره خصوصا د معرکه حق وروستو راپورتا شوي سياسي ګنګوسو کښې هيڅ حقيقت نيشته ۔
د هغۀ وينا وه کۀ چرې بهارت د پاکستان خلاف کاروائۍ کوشش اوکړو نو بهر پور جواب به ورته ميلاؤيږي، پاکستان به د جوابي کاروائي آغاز د مشرقي بهارت نه کوي ۔
ياده دې وي چې دې نه وړاندې وزيراعظم شهبازشريف اور وفاقي وزير داخله محسن نقوي هم د فيلډ مارشل صدر جوړيدو خبرونه رد کړې وؤ او وئيلي وو چې نۀ خو د صدر د استعفا څۀ امکان شته او نه څۀ داسې سوچ موجود دې ۔
