ويسټ انډيز دوئم ټي ټوئنټې ميچ کښې پاکستاني ټيم ته سنسني خيز مقابلې نه پس په دوه وکټو شکست ورکړې، د پاکستان يوسل څلور ديرش رنز هدف کوربه ټيم اتۀ وکټو په زيان آخري بال باندې پورا کړې او ميچ کښې ئې کاميابي حاصل کړې چې ورسره د درې ميچونو سيريز هم يو، يو سره برابر شويدې ۔
د امريکې فلوريډا ښار کښې لوبيدلې د درې ميچونو سيريز دوئم ميچ کښې پاکستان د ټاس ګټلو نه پس اول بيټنګ کړې وو او مقرره اوورز کښې ئې نهه وکټو په زيان يو سل دري ديرش رنز جوړ کړي وو ۔
د پاکستان بيټنګ يو واري بيا ناکامه سره مخ شوې وو ، يواځې حسن نواز غوره او جارحانه بيټنګ کړې وو ، څلويښت رنز ئې سکور کړي وو ، سلمان آغا اتۀ ديرش، فخرزمان شل ،حسن علي اتۀ ،صائم ایوب صرف اووۀ ،محمدحارث څلور ،محمدنواز دوه او فهیم اشرف په صفر آؤت شوې وو ۔
ويسټ انډيز طرف نه جيسن هولډر شاندار باولنګ کړي او څلور وکټې اخستې وې ، ګوداکيش موتي دوه وکټې په خپل نوم کړې وې ۔
کوربه ټيم د پاکستان يو سل څلور ديرش رنز هدف د ميچ په آخري بال پورا کړې او کاميابي ئې ترلاسه کړېده، شاندار څلور وکټې اخستو او د ميچ په آخري بال چوکه لګولو باندې جيسن هولډر ته د بهترين لوبغاړي انعام ورکړې شويدې
پاکستان طرف نه محمد نواز درې، صائم ايوب دوه، شاهين شاه آفريدي او سفيان مقيم يو، يو وکټ په خپل نوم کړې وې، دواړو ټيمونو ترمينځ د سيريز آخري او فيصله کن ميچ به سبا لوبيږي ۔
