په قبايلي ضلع باجوړ ماموند کښې دقيام امن لپاره جوړه کړې شوې جرګه چې پکښې دباجوړ نه منتخب شوي د قامې اسمبلې غړې هم شامل وو، دطالبانو سره خبرو اترو وړمبې پړاؤ سر ته رسیدلې، وسله والو د قبائلي او سياسي مشرانو نه سبا پورې وخت غوښتې ، دغه جرګه به سبا بيا کيږي ۔
باجوړ: په دغه جرګه کښې وسله والو نه غوښتنې شوې چې د باجوړ اولس دې په امن سرا پرېږدېي او یا دې واپس افغانستان ته واوړېي یا درېمه شرط دا چې باجوړ د قامي او سېاسي مشرانو لخوا وسله والو ته دا ایښودې شوې چې که جنګ کوي نو بیا دې په غرونو کښې خپل جنګ اوکړې او د عام اولس د کورونو څخه دې لرې شېي ۔
یاده دې وې چې دغه د باجوړ قامي او سیاسي جرګه هاغه وخت راجوړه کړې شوه کله چې د سېکورټي فورسز لخوا د باجوړ علاقه ماموند په شپارلس کلي والو سيمو کښې د وسله والو پر زد فوجي عملیات شروع کړې شو ۔
ولې وروستو د سېکورټي فورسز او باجوړ علاقائي مشرانو تر څنګ د باجوړ سیاسي مشرانو لخوا یو جرګه راجوړه کړې شوه چې ورته سېکورټي فورسز د پراخه زړه مظاهره اوکړه او روان آپرېشن ئې د امن په خاطر اودرولو ۔
نن په دغه جرګې غړو ړومبې خپل مينځ کښې او بیا دغه پنځوس کسېزه جرګې د وسله والو سره جرګه کړې چې ورته وسله والو تر سبا مهلت غوښتې او دغه جرګه بيا سبا دوباره رابللې شويده ۔
