د خېبر پښتونخوا حکومت د سوري لاندې په صوبه کښې روانې ترهه ګرۍ او بدامنۍ خلاف کل جماعتي غونډه ترسره شوې چې پکښې سياسي جماعتونو او مختلف مکاتب فکر خلقو د وفاقي حکومت او سيکورټي فورسز نه غوښتنه کړې چې په صوبه کښې امنيت په ځائې کولو لپاره دې صوبائي حکومت سره مرسته او مدد اوکړې شي ۔
پيښور: د وزيراعلیٰ علي امين ګنډاپور په مشرۍ کښې شوې کل جماعتي کانفرنس کښې په صوبه کښې روان د ترهه ګرۍ پيښو غندنه شوي او په ترهه ګرۍ کښې شهيد شوي سيکورټي فورسز، پوليس، قانون نافذ کونکو ادارو او عام وګړو لپاره د مغفرت دعا کړے شويده ۔
غونډې ته د وينا په وخت د وزيراعلیٰ وئيلي چې وفاقي حکومت په صوبه کښې د امن قائم کولو لپاره سنجيده نۀ دې او نۀ د صوبي عوامو په وفاقي حکومت باندې اعتماد شته ۔
علي امين ګنډاپور اووئيل چې کل جماعتي غونډه باندې د ګورنر تنقيد بے ځايه دې، دا وخت د سياسي اختلافاتو نۀ دې، صوبې خلقو ته امن ورکول د صوبائي حکومت او سياسي جماعتونو ذمه واري ده ۔
وزيراعلیٰ علي امين ګنډاپور د خېبرپښتونخوا ګورنر فيصل کريم کنډي ته مشوره ورکړې چې هغه سياسي بياناتو ورکولو څخه ډډه اوکړي ۔
په کانفرنس کښې په صوبه کښې د امن وامان لپاره پورته کړې شوي ګامونو باندې اطمينان څرګندونه کړې شوې ده ۔
کل جماعتي کانفرنس کښې د صوبې څلور غټ سياسي جماعتونو، جمعيت علمائے اسلام، پاکستان پيپلزپارټي، عوامي نيشنل پارټي او پاکستان مسلم ليګ نون بائيکاټ کړې وو ۔
په کل جماعتي غونډه کښې د صوبائي کابينې او صوبائي اسمبلۍ غړو نه علاوه د بعضې سياسي جماعتونو نمائندګانو ګډون کړې دې ۔
