خېبرپښتونخوا کښې د سينيټ انتخاباتو نه وړاندې د پي ټي آئي صوبائي حکومت او اپوزيشن جماعتونو ترمينځ معاهده شوې ،چې ترمخه به ئې صوبائي اسمبلۍ کښې د سينيټ يوولس اراکينو لپاره انتخاب بلا مقابله کيږي، دې لړ کښې اپوزيشن ليډر ډاکټر عبادالله مشرۍ کښې د مخالفو ډلو يو وفد وزیراعلیٰ سره اهم ملاقات کړې چې پکښې دغه لوظنامه شوې ده ،معاهدې مطابق پي ټي آئي ته به شپږ او اپوزيشن ته به پنځه نشستونه ميلاؤ شي ۔
خېبرپښتونخوا کښې سينيټ اليکشن نه وړاندې اهم پيشرفت شوې ، دې لړ کښې د صوبائي حکومت او اپوزيشن جماعتونو ترمينځ لوظنامه باندې اتفاق شوې، چې ترمخه به ئې صوبه کښې د سينيټ انتخابات بلا مقابله کولې شي ۔
ذرائعو وئيلي چې دې لړ کښې د خيبر پښتونخوا اسمبلۍ اپوزيشن ليډر ډاکټر عباد الله مشرۍ کښې د مخالفو ډلو وفد وزیراعلیٰ سره اهم ملاقات کړېدې چې پکښې دغه معاهده شويده
په دې موقع سينيټر طلحه محمود، عطا الحق درويش، سجاد الله هم موجود وو، ذرائع وائي چې په دې موقع معاهدې ته حتمي شکل ورکړې شويدې، او په دې حواله وزیراعلیٰ يو ويډيو بيان هم ريکارډ کړېدې ۔
ذرائعو وئيلي چې دغه ملاقات کښې پنځه نه تر شپږ فارمولو باندېۍ اتفاق شوې، دغه فارمولو مطابق پي ټي آئي ته به شپږ او اپوزيشن جماعتونو ته به پنځه نشستونه ميلاويږي ۔
لوظنامې لاندې اپويشن طرف نه به ظلحه محمود، عطاالحق درويش، روبينه کالد، دلاور خان او نياز احمد بلا مقابله سينيټرز منتخب کولې شي، او د پي ټي آئي لخوا به مراد سعيد ،فيصل جاويد، مرزا محمد آفريدي، نورالاحق قادري ،اعظم سواتي او روبينه ناز بغير د مقابلې سينيټرز جوړولې شي ۔
ذرائعو مخکښې وئيلي چې وزیراعلیٰ به د پي ټي آئي مرور مشران د يوې کميټۍ په ذريعه رضا کولو کوشش هم کوي، چې د اتفاق رائے پيدا کړې شي ۔
ذرائعو دا هم وئيلي چې وزیراعلیٰ د پارټۍ بعضي مشرانو سره په ډېره سخته ژبه کښې خبرې کړي او د هغويه د پوهه کولو کوشش ئې کړې، ولې دغه مرور پي ټي آئي مشران په يو صورت رضا کيدو ته تيارت نۀ دي ۔
ياده دې وي چې خيبر پښتونخوا کښي د سينيټ يوولس سيټونو باندې په يويشتمه جولائۍ انتخابات کيږي ، چې پکښې اووه جنرل ۔ د زناؤ او ټيکنوکريټس دوه دوه سيټونه شامل دي ۔
