د پاک فوج ترجمان ليفټيننټ جنرل احمد شريف چودهري وئيلي دي چې بهارت په پاکستان کښې د ترهه ګرۍ کاروائيانو حمايت او د ترهه ګرو مالي مرستې کوي، ولې رياستي سرپرسۍ کښې ئې ترهه ګري د پاکستان خلاف بطور پاليسي خپله کړې، د ترهه ګرۍ نيټ ورک ماسټر مائنډ اجيت دوول دې، د پاکستان ايټمي پروګرام په مکمله توګه محفوظ دې، څوک هم زمونږ ايټمي پروګرام په نښه کولو جرات نشي کولې ۔
بهر ملکي خبري ادارے سره مرکه کښې ډي جي آئي ايس پي آر ليفټيننټ جنرل احمد شريف چودهري اووئيل چې د بهارت مذموم عزائم د پاکستان سلامتيا بالخصوص د بلوچستان غير مستحکم کولو منظم سازش دې، بهارت په پاکستان کښې د ترهه ګرۍ کاروائيانو حمايت او ترهه ګرو مالي مرستې کوي او دا چې بهارت ترهه ګري د رياستي پاليسۍ په توګه پاکستان خلاف خپله کړې ده ۔
هغه اووئيل چې بهارتي سياسي مشرانو د پاکستان پشمول امريکې او کينيډا کښې د بهارتي ترهه ګرۍ اعتراف کړېدې، د بهارتي سرپرستۍ کښې د ترهه ګرې نيټ ورک ماسټر مائنډ اجيت دوول دې ۔
ليفټيننټ جنرل احمد شريف چودهري اوئيل چې د پاکستان ايټمي پروګرام په مکمله توګه محفوظ دې، څوک هم د پاکستان ايټمي پروګرام په نښه کولو جرات نشي کولې، دا د پاکستان دفاعي صلاحيتونو او موجوده علاقائي توازن باندې د اعتماد عکاسي کوي ۔
هغه اووئيل چې پاکستان د اسلامي رياست خلاف د هر قسمه جارحيت د علاقائي استحکام لپاره خطره ګرځولې ده، اسلام آباد کښې د جهاد يا قتال اختيار صرف رياست سره دې، ترهه ګرو د اسلام،انسانيت،پاکستان يا پاکستاني رواياتو سره هيڅ تعلق نيشته دې ، ډي جي آئي ايس پي آر د ايران لپاره د پاکستان سياسي او سفارتي مرستې عزم څرګند کړېدې ۔
