د پاکستان او آذربائيجان ترمينځ دوه ارب ډالر سرمايه په معاهده لاس ليک شويدې، دواړو ملکونو ترمينځ لوظنامې باندې دستخط نائب وزيراعظم اسحاق ډار او د آذربائيجان معيشت وزير ميکائيل کړېدي، په دې موقع وزيراعظم شهبازشريف هم موجود وو، دې معاهدې ته د وزيراعظم او آذربائيجان صدر ترمينځ ملاقات کښې حتمي شکل ورکړې شوې وو ۔
بلخوا آذر بائيجان کښې د وزيراعظم شهبازشريف او ايراني صدر مسعود پزشکيان ترمينځ ملاقات شوې ،چې پکښې دواړو ملکونو ترمينځ اړيکو او دا تعلقات نور مضبوط جوړولو باندې د اطمينان اظهار شويدې ۔
په دې موقع ايران باندې د اسرائيلي جارحيت په معامله هم خبرې شويدي ،ايراني صدر د اسرائيلي جارحيت دوران د پاکستان د حمايت شکريه هم ادا کړېده ۔
بلخوا وزيراعظم او ترک صدر ترمينځ هم ملاقات شوې ،چې پکښې دواړو ملکونو اړيکو پشمول د منطقې صورتحال او نورو اهمو چارو باندې خبرې شويدي ۔
دې نه وړاندې د وزيراعظم شهباز شريف او آذربائيجان صدر الهام علييوف ترمينځ هم ملاقات کړې چې پکښې دوه اړخيزه اړيکو پراختيا،تجارت اوسرمايه کارۍ پشمول مختلف شعبو کښې تعاون او د سيمې په صورتحال خبرې شويدي ۔
دواړو مشرانو اقتصادي شراکت دارۍ ته نوره وده ورکولو باندې اتفاق کړېدې، وزيراعظم بهارت سره کشيدګۍ دوران د پاکستان حمايت باندې د صدر علييوف شکريه هم ادا کړېده ۔
دې ترڅنګ وزيراعظم شهبازشريف آذربائيجان کښې د اقتصادي تعاؤن تنظيم سرمشريزې غونډې ته وينا هم کړې او وئيلي دي چې د منطقې د ترقۍ عمل کښې د رکن ملکونو سره شريک کيدل د فخر وړ خبره ده، وزيراعظم ايران باندې د اسرائيلي حملو مذمت هم کړېدې ۔
وزيراعظم شهبازشريف وئيلي دي چې اوبۀ د پاکستان لائف لائن دې، که بهارت د پاکستان اوبۀ اودرولې نو دا به د جنګ برابر وي، بهارت لخوا اوبۀ د هتهيار په توګه استعمالول منطقې لپاره د خطرې خبره ده، په يو قيمت هم د دې جارحيت اجازت نشو ورکولې ۔
