فيلد مارشل عاصم منير وئيلي دي کۀ چرې دښمن دا ګنړي چې آئنده به پاکستان په خپل خودمختارۍ حمله برداشت کړي نو دا دشمن غلط فهمي ده، خپل قامي طاقت کښې مسلسل اضافه کوؤ، دښمن دې مونږ کمزورې نه ګنړي ، زمونږ قامي جذبه د آزمائشو دوران نوره هم مضبوطه شي،نن هم مونږ د وړاندې نه زيات مضبوط او پرعزم يو ۔
کراچۍ: فيلډ مارشل عاصم منير پي اين ايس رهبر کښې پاسنګ آؤت پريډ ته خطاب پر مهال وئيلي که چري دښمن زمونږ خودمختارې چيلنج کړه ، نو د دې تنائج به ډير خراب وي ۔
هغه اووئيل چې دا به ټولې خطې لپاره خطرناک ثابت شي، بهارت هم د خپل هتکنډو څخه نه قلاريږي،بهارت د خپل فوجي طاقت ، قام پرستي او جعلي سټريټجک اهميت څخه سياسي فائدې ترلاسه کول غواړي ۔
فيلډ مارشل زياته کړې چې بهارت تير څو کلونو راهسې د ترهه ګرۍ خلاف کاروائيانو په بهانه دو ځله په پاکستان بغير د څه وجې حملې کړي،ولې په دوانړو موقعو پاکستان بهر پور او موثره جواب ورکړې او خطه ئې د يو لوئې تنازعې نه بچ کړېده ۔
د عاصم منير وينا وه چې د بهارت اشتعال انګيزۍ باوجود پاکستان د صبر و تحمل او ذمه وارۍ مظاهره کړې او امن ته ئې ترجيح ورکړې دي ۔
فيلډ مارشل عاصم منير دا هم وئيلي چې پاکستان به په هر حال کښې د خپل خودمختارۍ او قامي مفاد دفاع کوي،زمونږ قامي جذبه د آزمائشو دوران نوره هم مضبوطه شي،نن هم مونږ د وړاندې نه زيات مضبوط او پرعزم يو ۔
