امريکائي صدر ډونلډ ټرمپ وئيلي دي چې امريکه په آسانۍ سره د اسرائيل او ايران ترمينځ معاهده کوؤلې شي، ټرمپ خبردارې ورکړې کۀ چرې ايران په امريکه حمله اوکړه نو د پورا طاقت سره به جوابي حمله کوؤ ۔
دا څرګندونې صدر ډونلډټرمپ پۀ سوشل ميډيا خپل يو پيغام کښې کړي، هغۀ وئيلي چې په ايران اسرائيلي حملې سره د امريکې هيڅ تعلق نيشته ۔
صدر ټرمپ وائي چې د ايران اسرائيل تنازعه حل کيدې شي، امريکه په اسانې سره د ايران او اسرائيل ترمينځ معاهده کوؤلې شي ۔
صدر ټرمپ واضحه کړې کۀ چرې ايران په امريکه حمله اوکړه نو داسې جوابې حمله به کوؤلې چې ياد به لري ۔
ياده دې وي چې ايران امريکه او د امريکې اتحاديانو ته خبردارې ورکړې وؤ، چې د اسرائيل سره د مرستې په صورت کښې پرې حملې کيدې شي ۔
