په اسرائيل د ايران جوابي ميزائل حملې تيرې شپې راهسې وقفې وقفې سره جاري دي ، اسرائيلي ميډيا حملو کښې د څلور کسانو د وژنې تصديق کړې ، ايراني حملو کښې اتيا پوري اسرائيلي ژوبل شوي هم دي ،بلخوا د ايران پاسدارن انقلاب اعلان کړې چې په اسرائيل به زر خيېر ميزائيلې هم داغلي کيږي چې ورسره به ټوله نړۍ حيرانه پاتې شي ۔
تيرې شپې راهسې ايران په اسرائيل وقفې وقفې سره پينځه وارې ميزائل حملې کړي ، مجموعي توګه دوه سوؤ نه زيات ميزائيلو د تل ابيب پشمول د اسرائيل مخلتف ښارونو کښې خپل اهداف په نښه کړي دي ۔
بهرملکي خبري ادارو خپل رپورټونو کښې وئيلي چې تل ابيب کښې د اسرائيلي فوجي مرکز هم په نښه شوې ، اسرائيلي چارواکو خلقو ته خپل ځان محفوظ ساتلو هدايات جاري کړيدي ۔
تل ابيب او مقبوضه بيت المقدس کښې لس ځايونو په نښه کړې شوي چې پکښې زنانه پشمول څلور اسرائيلي مړې شوي او اتيا پورې اسرائيلي ژوبل شوي دي ۔
د ايران ميزائل حمله کښې د اسرائيل مختلفو علاقو کښې نهه عمارتونه په مکمل توګه تباه شوي ، ايران د اسرائيل خلاف جوابي آپريشن ته وعده صادق سوم نوم ورکړې دې ۔
بلخوا اسرائيلي فوج وئيلي دي چې د ايراني ميزائل مخنيوي لپاره دفاعي نظام متحرک دې او اولس ته محفوظ ځايونو ته د منتقل کيدو هدايات جاري کړې شويدي ۔
د ايران پاسداران انقلاب وائي چې په اسرائيل به زر خېبر ميزائيلې هم داغلي شي ، او دا چې ايران د اسرائيل فوجي تنصيبات په نښه کوي ۔
