ايران د اسرائيل خلاف په باقاعده توګه جوابي کاروائي شروع کړې، او د اسرائيل په مختلف مقاماتو ئې سل نه سيوا ميزائلې داغلي ،چې ورسره تل ابيب پشمول مختلفو ځايونو کښې يو شمير چاودنې شويدي ۔
بهرملکي خبري ادارو مطابق اسرائيلي فوج تصديق کړې چې ايران جوابي کاروائي شروع کړې او يو شمير ميزائلې ئې تل ابينب او نورو ځايونو کښې داغلي دي ۔
خبري ادارو ترمخه اسرائيلي فوج خپل وګړو ته هدايات جاري کړې او وئيلي دي چې محفوظ مقاماتو کښې خپل ځانونه محفوظ کړي ۔
خبري ادارو مخکښې وئيلي چې يروشلم کښې د خطرې ټلې ټنګولې شويدي، وئيلي کيږي چې ايران اوسه پورې په اسرائيل دغه د ټولو لوئې حمله کړېده ۔
بلخوا د امريکې يوې خبري ادارې د اسرائيلي دفاعي فوج د ترجمان لخوا خبر ورکړې چې ايران طرف نه په اسرائيل د ميزائلو دوئم لړۍ داغلې شويده ۔
بيان ترمخه اسرائيلي فوج وئيلي چې ايران لخوا په اسرائيل د ميزائلو درنه حمله شويده، چې لوجې په اسرائيلي خلقو غږ شوې چې محفوظ مقاماتو کښې دې ترهغې اوسي، چې تر څو بله اطلاع نۀ وي ميلاؤ شوې ۔
