د لوئې کنفيوژن نه پس د خېبرپښتونخوااسمبلۍکښې د دوه زره، يو سل، نورلس ارب روپې بجټ پيش شوې،د خزانې صوبائي وزير آفتاب عالم د راتلونکي مالي کال بجټ صوبائي اسمبلۍ ته وړاندې کړې،بجټ کښې د سرکاري ملازمينو بنيادي تنخواه کښې لس او پنشن کښې اووه فيصد اضافې اعلان شوې ۔
خېبرپښتونخوا کښې صحت لپاره بجټ د دوه سوه دوه ديرش ارب روپۍ نه دوه سوه شپږ اوويا ارب روپۍ کړې شوې، د مزدور اُجرت د شپږ ديرش زره نه څلويښت زره روپۍ کړې شويدې، وزير خزانه آفتاب عالم وئيلي چې تاريخ کښې په وړومبي ځل دې بجټ کښې ديرش فيصده اضافه شوې ۔
د خېبرپښتونخوا بجټ کښې سيکيورټي مد کښې محکمه داخله لپاره خواؤشا اووه ارب روپۍ مختص شوي اوپوليس بجټ کښې اووه ويشت فيصد اضافه شوې ۔
د پوليس تنخواګانې د پنجاب پوليس برابرولو تجويز هم وړاندې شوې،بجټ کښې شهداپيکج کښې هم اضافه شوې، ايمرجنسي لپاره پنځه ارب روپې مختص کړې شوي ۔
يونيورسټو بجټ کښې اووه ارب روپۍ اضافه شوې، اعلى تعليم بجټ کښې څوارلس ارب روپۍ سيوا کړې شوې، ابتدائي او ثانوي تعليم لپاره درې سوه، دري شپيته ارب روپۍ مختص شوي، صحت لپاره دوه سوه ،شپږ اوويا ارب روپۍ ايښودي شوي ۔
د خېبرپښتونخوا راتلونکي مالي کال بجټ کښې بندوبستي علاقو لپاره يو سل شل ارب روپې مختص کړې شوي، زراعت لپاره اووه ارب ،پنځه ويشت کروړ روپۍ، توانائۍ لپاره څلور ارب، نهه اوويا کروړ روپۍمختص کړې شوي ۔
وزير خزانه وئيلي چې اين ايف سي مد کښې وفاق لخوا دوه څلويښت ارب او ضم شوي اضلاع کښې جاري اخراجاتو کښې څلويښت ارب روپۍ کټوتي شويده،لائيو سټاک ،کارخانواومعدنيات لپاره هم بجټ کېښ برخه مختص کړې شويده ۔
وزير خزانه آفتاب عالم خان اووئيل چې صوبه کښې د ګُډګورننس لپاره جامع روډ ميپ جوړ کړې شوې،دې مقصد لپاره په مجموعى توګه اووه اربه روپې مختص کړې شوي ۔
هغه اووئيل چې معدنيات لپاره اووه سوه ملين او صنعتونو لپاره هم اووه سوه ملين مختص کړې شوي ، محکمه بلديات لپاره پنځه پنځوس ملين او محکمه سياحت لپاره پنځه پنځوس ملين مختص کړې شويدي ۔
صوبائي وزير خزانه اووئيل چې روان مالي کال ترقياتى بجټ کښې بندوبستى اضلاع لپاره يوسل شل اربه روپې مختص کړې شوې وې ، تاريخ کښې په وړومبى ځل دې بجټ کښې ديرش فيصده اضافه شوې ۔
هغۀ اووئيل چې ضم شده اضلاع بجټ لپاره اين ايف سي ايوارډ کښې برخه درې سوه پنځوس اربه روپې وه ۔
د وزير خزانه وينا وه چې خېبرپښتونخوا ته لس مياشتو کښې درې اتيا اربه روپې ميلاؤ شوي،د پيټروليم پاليسۍ مطابق د خېبرپښتونخوا تيل ذخائرو په مد کښې اته پنځوس ارب روپو نه سيوا د وفاق په ذمه واجب الادا دي ۔
آفتان عالما ووئيل چې راتلونکې مالي کال ترقياتي اخراجات په مد کښې پنځه سوه اووه څلويښت اربه روپې مختص کړې شوي،د حکومتى وژن مطابق هيڅ نوې ټيکس نه دې لګولې شوې ۔
حکومت خېبرپښتونخوا سابقه فاټا پاټا لپاره ټيکس کښې ريليف پاليسۍ برقرار ساتلې ،راتلونکې مالي کښې هم د فاټا او پاټا علاقو کښې نوې ټيکس نه دې نافذ کړې شوې ۔
د هغه وينا وه چې محکمه صحت بجټ کښې نورلس فېصد اضافه شوې ، تير کال د صحت بجټ دوه سوه ديرش اربه روپې وو ،څښکال د صحت بجټ دوه سوه شپږ اوويا اربه روپې کړې شوې ۔
صوبائي وزير خپل تقرير کښې اووئيل چې د بنيادي صحت مراکزو لپاره يوارب شل کروړه روپې مختص، مردان او بنو کښې د پېښور انسټيټويټ اف کارډيالوجي د سيټلائټ مراکز جوړ کړې شوي ،ضلع اپرچترال کښې د نرسنګ کالج قيام هم بجټ کښې شامل دې ۔
آفتان عالم اووئيل چې د ابتدائي او ثانوي تعليم په بجټ کښې يوولس فيصد اضافه شوې،تير کال د ابتدائي او ثانوي تعليم بجټ درې سوه اوويشت اربه روپې وو،څښکال د ابتدائى او ثانوى تعليم بجټ درې سوه درې شپيته اربه روپې مختص کړې شوي ۔
هغه اووئيل چې شرح خواندګى کښې اضافې لپاره د ايجوکشن ايمرجنسى نافذولو فېصله شوې ، ايمرجنسى مد کښې پنځه اربه روپې مختص شوي ۔
صوبائي وزير مطابق د اعلى تعليم بجټ تير کال شپږ ديرش اربه روپې وو ،د اعلى تعليم بجټ څښکال پنځوس اربه ته سيوا کړې شوې ۔
هغه مخکښې اووئيل چې د يونيورسټو بجټ درې ارب نه لس ارب ته سيوا کړې شوې ، سرکاي کالجونو کښې د نادار او يتيم طالبات مفت تعليم پروګرام شروع کړې شوې ۔
آفتان عالم زياته کړې چې شرح خواندګۍ کښې اضافې لپاره د ايجوکشن ايمرجنسي نافذ فېصله شوې ،
صوبائي وزير خزانه دا هم اووئيل چې د امن وامان لپاره د پوليس بجټ کښې اوويشت فيصده اضافه شوې،تير کال د پوليس بجټ يوسل څليريشت اربه روپې وو ۔
هغه اووئيل چې څښکال د پوليس بجټ يوسل اته پنځوس اربه روپې کړې شوې، شهدا پيکج کښې نمايا اضافه شوې ، د شهدا اهل خانه ته به د پنځه ، اووه او لس مرلې او يو کنال پلاټونه ورکولې شي ۔
خېبرپښتونخوا حکومت د صحت کارډ لاندې مفت صحت سهوليات فراهم کړي،خېبرپښتونخوا حکومت يو شمير مهلک مرضونه مثلا ګردے ، جګر او بون ميرو ټرانسپلانټ هم صحت کښې شامل کړې ۔
