د امريکې خارجه محکمې ترجمانې ټيمي بروس وئيلي دي چې صدر ټرمپ د جنګونو مخالف دے،د پاکستان او بهارت ترمينځ جنګ بندۍ کښې ئې مهم کردار ادا کړې وو او د کشمير مسئله حل کولو صلاحيت هم لري ۔
هفته وار ميډيا بريفنګ کښې ټيمي بروس اووئيل چې صدر ډونلډ ټرمپ به د پاکستان او بهارت ترمينځ د کشمير مسئله په خپل دور کښې حل کولو مکمل صلاحيت لري ۔
ترجمانې د پاکستان او بهارت ترمينځ جنګ بندۍ باندې د اطمينان څرګندونه کړې او وئيلي دي چې بلاول بهټو زرداري مشرۍ کېښ پاکستان وفد انډر سيکريټري ايلس هوکر سره ملاقات کړې چې پکښې ترهه ګرۍ خلاف تعاؤن، دوه اړخيزه اړېکو او نورو مهمو چارو باندې خبرې شويدي ۔
ټيمي بروس مخکښې اووئيل چې د پاکستان او بهارت ترمينځ جنګ بندي ډير ګران کار وو، ټولو ته معلومه ده ، صدر ټرمه، سيکريټري مارکو روبيو او نائب صدر جے وينس دې جنګ بندۍ کېښ لوئې کردار لوبولې دې، مونږ ته د دې ټولو شکريه ادا کول پکار دي ۔
هغې زياته کړه چې صدر ټرمپ کوم قدم هم پورته کوي هغه د وږد مهاله شخړو حل کولو لپاره وي، ټرمپ هاغه يوځنې شخصيت دې چې خلق په يو ميز باندې کښينولو کښې کامياب شويدې،او د دې په حواله هيچا سوچ نۀ وو کړې چې هغه به دې لړ کښې کامياب مذاکرات کوي ۔
