لاهور کښې لوبيدلې د ټي ټوينټي سيريز اولني ميچ کښې د پاکستان دوه سوه، يو رنز په تعاقب کښې بنګله ديش ټيم آخري اوور کښې په يو سل ،څلور شپيتۀ رنز آؤټ شوې او ميچ ئې بيللې دې، پاکستان د درې ميچز سيريز کښې يو صفر سره برتري ترلاسه کړېده ۔
لاهور: پاکستان ټاس ګټلو نه پس اول پخپله د بيټنګ فيصله کړې وه، او مقرره اوورز کښې ئې اووه وکټو په زيان دوه سوه، يو رنز جوړ کړې وو، پاکستان طرف نه کپتان سلمان آغا شاندار شپږ پنځوس، شاداب خان اتۀ څلويښت او حسن نواز څلور څلويښت رنز باندې آؤټ شوي وو ۔
فهيم اشرف يوولس او حسن علي په يو رن ناټ آؤټ پاتې شوې وو، فخر زمان يو، صائم ايوب صفر، محمد حارث يو ديرش او خوشدل شاه په پنځه رنز آؤټ شوې وو ۔
بنګله ديش طرف نه شريف الاسلام دوه، مهدي حسن، حسن محمود، تنظيم حسن ثاقب،راشد حسين او شميم حسين يو، يو وکټ په خپل نوم کړې وه ۔
د پاکستان دوه سوه، دوه رنز هدف په تعاقب کښې د بنګله ديش ټول ټيم آخري اوور کښې يو سل ،څلور شپيتۀ رنز باندې آؤټ شوې او په اووه ديرش رنز ئې ميچ بيللې دې ۔
پاکستان طرف نه حسن علي شاندار باؤلنګ کړې او پنځه وکټې ئې اخستې دي، شاداب خان دوه، فهيم اشرف، خوشدل شاه او سلمان آغا يو، يو وکټ په خپل نوم کړېدي ۔
بنګله ديش طرف نه ټولو نه زيات ليټن داس اتۀ څلويښت، ذاکر علي شپږ ديش، تنزيد حسن يو ديرش او توحيد هيروډي اوولس رنز جوړ کړي وو ۔
ميچ کښې اتۀ څلويښت رنز، دوه وکټې او دوه کيچز اخستو باندې شاداب خان د لوبې بهترين لوبغاړې ګرځولې شويدې، ميچ ګټې سره پاکستان ته د درې ميچز سيريز کښې يو صفر سره برتري هم حاصل شويده ۔
دواړو ټيمونو ترمينځ دوئم ټي ټوينټي ميچ به په ديرشمه مئي او آخري ميچ به په يکم جون هم لاهور کښې لوبيږي ۔
