وزيراعظم شهبازشريف وئيلي دي چې پاکستان، ترکيه او آذربائيجان اعاده کړې چې درې واړه ملکونه به دفاع، اقتصادي، سياسي، سفارتي تعاون او دوستي نوې کچ ته رسوي، بلخوا د آذربائيجان صدر الهام علييوف وئيلي چې دري واړه ملکونو ترمينځ دفاعي شعبه کښې تعاون د علاقائي استحکام لپاره ضروري دې، د ترکيه صدر طيب اردووان وائي چې منطقه کښې د مشترکه اهداف حصول لپاره به په شريکه کار کول وي ۔
دا خبري وزيراعظم شهباشريف، آذري صدر الهام علييوف او ترکيه صدر طيب اردوان د آذربائيجان ښار لاچين کښې منقعد دوئم سه فريقي اجلاس ته کړيدي ۔
اجلاس کښې درې واړه ملکونو ترمينځ دفاعي، اقتصادي، سياسي او سفارتي تعاون سيوا کولو باندې زور راوړې شويدې ۔
وزيراعظم شهبازشريف د آذر بائيجان صدر او عوام ته د يوم آزادي اومبارکي ورکړې، او وئيلي دي چي درې واړه ملکونو اعاده کړې چې يو بل سره تعاؤن او دوستي به نوې سطحې ته رسوي ۔
وزيراعظم وئيلي چې بهارت بغير د څه ثبوت پاکستان باندې د پهلګام پيښې تور اولګولو او بيا ئې حمله اوکړه، ولې پاکستان د ترکيه او آذربائيجان په مرسته مودي له خُله ماتې جواب ورکړې دې ، د دوي په مرسته مونږ د دوي شکريه ادا کوؤ ۔
په دې موقع د آذربائيجان صدر الهام علييوف پاکستان کښې د دوه ارب ډالر سرمايه کارۍ اعلان کړې او وئيلي دي چې دې سلسله کښې مختلفو منصوبو باندې غور روان دې ۔
د آذربائيجان صدر مخکښې اووئيل چې درې واړو ملکونو ترمينځ دفاعي شعبه کښې د تعاون وسيع امکانات موجود دي ، کوم چې د علاقائي استحکام لپاره ضروري دي ۔
کانفرنس ته خپله وينا کښې د ترکيه صدر طيب اردووان د پاک بهارت کشيدګۍ دوران د وزيراعظم شهبازشريف مدبرانه قيادت ستائيلې، وئيلي دي چې منطقه کښې زمونږ سټريټجک اعتبار ډير اهم دے او د مشترکه اهداف حصول لپاره به په شريکه کار کول وي ۔
