ډي جي آئي ايس پي آر ليفټيننټ جنرل احمد شريف چودهري وئيلي دي چې بلوچستان خضدار کښې چې کومه چاودنه شوې وه، د دغه ترهه ګرۍ پشا بهارت ککړ دې، دې نه وړاندې هم بهارت په پاکستان کښې پراکسيز ترهه ګرو په ذريعه بے ګناه خلق وژلې دې، ترجمان پاک فوج وئيلي چې د بهارتۍ ترهه ګرۍ پيښو ثبوتونه ډوزئير بهارت ته پيش کړې شوې، سيکريټري داخله خرم آغا وئيلي چې د خضدار پيښې ابتدائي تحقيقات کښې معلومه شوې چې په دغه پيښه کښې بهارت ککړ دې ۔
ډي جي آئي ايس پي آر ليفټيننټ جنرل احمد شريف چودهري او سيکريټري داخله محمد خرم آغا پنډۍ کښې شريکه خبري ګونږډۀ کړې او وئيلي دي چې پاکستان کښې د تره ګرۍ نورو پيښو پشان خضدار حمله کښې هم بهارت ملؤث دې ۔
دي دوران ترجمان پاک فوج سانحه خضدار کښې شهيد شوي او ژوبل شوي ماشومانو تصويرونه ښودلي او وئيلي دي چې دا د بهارت اصل شيطاني مخ نشاندهي ده، چې د سکول ماشومانو په بس بهارتي سپانسرډ ترهه ګرو حمله کړيده ۔
ډي جي آئي ايس پي آر وئيلي دي چې دې نه وړاندې هم بهارت پاکستان کښې ترهه ګرۍ کښې ککړ پاتې شويدې، په دې سلسله کښې پاکستان سره د ثبوتونو ډوزئير بهارت او اقوام متحده ته پيش کړے شويدې، يو اين ته دا هم ښودلې شوي چې بهارت څنګه پاکستان کښې د ترهه ګرۍ کاروائيانې کوي ۔
ډي جي آئي ايس پي آر د جعفر ايکسپريس پيښې هم ذکر کړے، او وئيلي دي چې بهارتي سپانسرډ ترهه ګرو شپږ ويشت مسافر وژلي وو، په اوومه مئي بهارت حمله اوکړه چې څلويښت معصوم کسان شهيدان کړې شوي،دې نه علاوه يوشمير نور هم داسې واقعات دي، چې پکښې د بهارت ککړتيا ثبوتونه ميلاؤ شويدي ۔
ترجمان پاک فوج وينا وه چې د پهلګام پيښې وروستو بهارت په پاکستان بے بنياده تورونه اولګول، پاکستان د پيښې غيرجانبدارانه تحقيقاتو مطالبه اوکړه، ولې بهارت د تحقيقاتو په ځائې حارحيت شروع کړو، د کوم چې بيا پاکستان داسې جواب ورکړو چې ټول عمر به ياد ساتي ۔
دې نه وړاندې سيکريټري داخله خرم آغا هم خبري غونډې ته وينا کړې او وئيلي دي چې د خضدار پيښې ابتدائي تحقيقات نه معلومه شوې چې په دغه پيښه کښې همبهارت ککړ دے، ترهه ګرو ته به د دې دروند قيمت ادا کول وي، پاکستان به کله هم ترهه ګر خپل ناپاک عزائم کښې کاميابيدو ته نۀ پريږدي ۔
