وزيراعظم شهبازشريف وئيلي دي چې پاکستان د بهارت نه د يو اوويايم جنګ بدله اخستې ده، بهارت ته پته لګيدلې چې پاک افواج د حملې جواب لپاره هر وخت تيار وي، پاکستان باندې دوباره حمله کولو لپاره به اوس مودي سرکار سل ځله سوچ کوي،وزيراعظم وئيلي چې آرمي چيف راله په فون پيغام راکړې وو چې بهارت جنګ بندۍ يعنې په پښو پريوتو ته تيار شويدې ۔
مظفر آباد کښې د بهارتي جارحيت دوران شهيد او ژوبل شوې کسانو اهل خانه کښې د مالي امداد چيکس تقسيمولو دستورې ته وينا کښې وزيراعظم شهباز شريف وئيلي دي چې څو ورځې وړاندې د پاکستان او بهارت ترمينځ داسې جنګ شروع شوې وو چې څه وخت ئې هم خطرناک شکل خپلولې شو ۔
وزيراعظم اووئيل چې بهارت د پهلګام حملې نه پس پاکستان باندې تورونه لګولي وو ، مونږ ټولې نړې ته باور ورکړې وو چې دې حمله کېښ د پاکستان هيڅ کردار نيشته، په نړيواله سطح مو د غير جانبدار پلټنو پيشکش هم کړې وو، ولې مودي سرکاري په آرام نۀ کښيناستو ۔
د وزيراعظم وينا وه چې پاکستان بے ګناه بهارتي وګړو په ځائې د بهارت جهازونه په نښه کړي وو ،الفتح ميزائل د دښمن نه يو دوه خطا کړي وو، پاک افواج د بهارت تکبر خاورو سره خاورې کړې وو ۔
وزيراعظم زياته کړې چې آرمي چيف راله په فون پيغام راکړې وو چې مودي سرکاري جنګ بندۍ سره سري اوس په پښو پريوتو هم تيار شويدې ۔
وزيراعظم په دې موقع د شهيد اهلخانه ته د يو کروړ او ژوبل کسانو ته د لس نه تر شل لکه روپو امدادي چيکس ورکړې او وئيلي دي چې کوم متاثره پاکستان پاتې دي ، هغوي سره به هم مکمل مالي مرستې کولې شي ۔
