پاک فوج د آپريشن بنيان مرصوص کاميابۍ سره د تکيمل اعلان کړې، آئي ايس پي آر د بهارت خلاف دوه ويشتم اپريل نه تر لسمې مئي پورې شوي انښتو ته د “معرکه حق” نوم ورکړې ۔
آئي ايس پي آر له لوري جاري بيان کښې وئيلي شوي دي چې بهارتي جارحيت کښې زنانه، ماشومان او نور بے ګناه خلق په نښۀ کړې شوي وو ، پاکستان د دغه ظلمونو بدله اخستو او انصاف فراهم کولو وعده کړې وه، کومه چې ئې فيصله کن کاروائۍ کولو سره پورا کړيده ۔
آئي ايس پي آر مطابق که يو خوا پاکستاني قوم د ثابت قدمۍ ، دعاګانو او اخلاقي حمايت سره د مسلح فوج حوصله اوچته کړي، نو بلخوا ځوانانو د سائبر او انفارميشن وار فئير کښې د بهادر سپاهيانو کردار ادا کړيدې ۔
ترجمان پاک فوج د ملکي ميډيا هم شکريه ادا کړې چې دې دوران ئې بين الاقوامي سطح باندې وضاحت، بصيرت او اعتماد سره د پاکستان موقف او حکمت عملي پيش کړيده ۔
ترجمان وئيلي دي چې مونږ د خپل سائنسدانانو او انجئيرانو هم شکرګزار يو، چا چې جديد ټيکنالوجي په ذريعه د پاکستان دفاع مضبوطه جوړه کړيده ۔
آئي ايس پي آر د ټول سياسي جماعتونو قيادت هم شکريه ادا کړې چې د مادر وطن دفاع لپاره ئې مکمل د يکجهتۍ مظاهره کړې او د وزيراعظم او وفاقي کابينې اهم فيصلو په وجه قوم نه صرف د يو بحران نه راوتلې بلکه د ټول قام په مرسته پاک افواج دښمن ته د ماتي په صورت کښې يو شاندار اور زبردست شکست هم ورکړيدې ۔
