د پاکستان سپر ليګ لسم ايډيشن خوندور ميچونه روان دي، درې ويشتم ميچ کښې کوئټه ګليډي ايټرز يوې خوندورې مقابلې وروستو اسلام آباديونائټډ ته دوه وکټو سره ماتې ورکړې، اسلام آباد يونائيټډ يوسل اته پنځوس رنزونو هدف ورکړې وو، کوم چې کوئټه ګليډي ايټرز په آخري اوور کښې پوره کړې ۔
د لاهور قذافي اسټيډيم کښې لوبېدلې ميچ کښې کوئټه ګليډي ايټرز ټاس ګټلو وروستو اسلام آباد يونائټډ ته وړومبې بيټنګ کولو بلنه ورکړې وه، اسلام آباد يونائټډ نهه وکټو په زيان يوسل اووه پنځوس رنز سکور کړې وو ۔
د اسلام آباد يونائټډ صاحبزاده فرحان نهه ديرش،کائل مائيرز دوه ويشت، محمد نواز نهه پنځوس رنز جوړ کړي وو، جيسن هولډر څوارلس رنز سره ناټ آؤټ پاتې شوې وو، د ګليډي ايټرز لطرفه فهيم اشرف څلور وکټې ترلاسه کړې وې ۔
د يوسل اته پنځوس رنز هدف کوئټه ګليډي ايټرز په آخري اوور کښې اته وکټو په زيان پورا کړې او ميچ ئې ګټلې دې، چې ورسره ګليډي ايټرز پوائنټس ټيبل باندې په تاپ پوزيشن راغلې دې ۔
کپتان سعود شکيل اووه ، فن ايلن شل، ريلي روسو اووه ويشت رنزونه جوړ کړي، حسن نواز څلور شپيته رنز سره ناقابل شکست اننګز لوبولې او ميچ ګټې کښې ئې اهم کردار ادا کولو باندې د ميچ د بهترين لوبغاړي اعزاز هم ترلاسه کړېدې ۔
د اسلام آباد يونائټډ نسيم شاه او سلمان ارشد دوه، دوه، جيسن هولډر، محمد نواز او سلمان آغا يو، يو وکټ ترلاسه کړې وې ۔
