د پاکستان سپر ليګ يوولسم ايډيشن دوه نوې ټيمونو نيلامۍ شوې، حيدر آباد په نوم اووم ټيم په يو سل،پنځه اوويا کروړ او سيالکوټ په نوم اتم ټيم يو سل،پنځه اتيا کروړ روپۍ باندې خرڅ شويدې، په دې موقع د پي سي بي چيئرمين محسن نقوي رائزنګ سټار ايشيا کپ کښې بهارت ته شکست ورکونکي قامي ټيم ته د نهه کروړ او هانګ کانګ سکسز ټرافي په خپل نوم کونکي ټيم ته د يو کروړ او پنځه اتيا لکه روپو انعامي رقم ورکړيدې ۔
اسلام آباد(لياقت علي خټک) د پاکستان سپر ليګ دوه نوي ټيمونو د نيلامې لپاره په اسلام آباد کښې دستوره شوېده، د پي ايس ايل اووم ټيم نيلامې بيس پرائز يوسل لس کروړ روپې ايښودلې شوې وو ۔
ابتدائي نيلامي وروستو د ايف کے ايس ګروپ پي ايس ايل اووم ټيم په يو سل،پنځه اوويا کروړ روپو واخېستو او د ټيم نوم ئي حيدر آباد ايښودلې دې ۔
د پي ايس ايل اتم ټيم لپاره پنځه اوويا روپۍ بېس پرائز مقرر کړې شوې وو، آئي ټو سي ګروپ يوسل دوه اوويا کروړ روپې بولي لګولې وه، ولې زيډ ډيولپرز ډلې اتم ټيم په يوسل پينځه اتيا کروړ روپې باندې اخېستې دې او د ټيم نوم ئې سيالکوټ ايښودې دې ۔
د ملتان سلطانز پخوانې مالک علي ترين د نيلامي نه لاس په سر شوې وو چې له ورستو په نيلامۍ کښې نهه پارټيانو برخه اخېستې ده ۔
د پي ايس ايل يوؤلسم سيزن به شپږويشتم مارچ نه تر دريمې مئي پورې لوبولې شي، نوې ټيمونو شرکت سره پي ايس ايل ټيمونو تعداد اتۀ ته رسېدلې دې ۔
په دې موقع د پي سي بي چيئرمين محسن نقوي رائزنګ سټار ايشيا کپ کښې بهارت ته شکست ورکونکي قامي ټيم ته د نهه کروړ او هانګ کانګ سکسز ټرافي په خپل نوم کونکي ټيم ته د يو کروړ او پنځه اتيا لکه روپو انعامي رقم ورکړيدې ۔
