درې ملکي ټي ټوئنټي سيريزشپږم ميچ کښې افغانستان د يوې خوندورې مقابلې وروستو کوربه ټيم يو اے اي ته څلور رنز سره ماتې ورکړې چې ورسره ئې فائنل ته کواليفائي کړې،د افغانستان يوسل يو اوويا رنز هدف په جواب کښې يو اے اي ټيم يوسل شپږ شپيتۀ رنز جوړ کړي او مسلسل څلورم ميچ ئې هم بيللې دې، د سيريز فائنل ميچ به اتوار په ورځ پاکستان او افغانستان ترمينځ لوبيږي ۔
شارجه کښې لوبېدلې د درې ملکي ټي ټوئنټي سيريز راؤنډ ميچونو شپږمه مقابله کښې افغانستان ټاس ګټلو وروستو وړومبې بيټنګ کولو فيصله کړې وه، افغانستان مقرره شل اوورز کښې څلور وکټو په زيان يوسل اوويا رنز جوړ کړي وو ۔
افغانستان لخوا ابراهيم زدران اتۀ څلويښت او رحمان الله ګُرباز څلويښت رنز سره نمايا بېټرز پاتې شوي وو، د يو اے اي حيدر علي دوه وکټې ترلاسه کړې وې ۔
د يوسل يو اوويا رنز هدف په جواب کښې يو اے اي ټيم پينځۀ وکټو په زيان يوسل شپږ شپيتۀ رنز سکور کړي او مسلسل څلورم ميچ ئې هم بيللې دې ۔
کوربه ټيم طرف نه محمد وسيم څلور څلويښت او آصف خان څلويښت رنز جوړولو سره ګوره بېټرز پاتې شوي ، علي شان اووۀ ويشت رنز جوړ کړي وو ۔
ميچ ګټلو سره افغانستان د ايونټ فائنل ته کواليفائي کړې، د ټورنامنټ فائنل به د اتوار په ورځ د پاکستان او افغانستان ترمينځ لوبيږي ۔
