د خزاني وفاقي وزير محمد اورنګزيب وئيلي دي چې آئي ايم ايف پروګرام لپاره شرائط باندې عمل کولو کښې د صوبو کردار د ستائنې وړ دې، د لسم اين ايف سي ايوارډ موده روان کال کښې په يويشتمې جولائۍ باندې پورا شويدې، دې حوالې سره نن د اين ايف سي ايوارډ په حواله د اجلاس اهميت نور هم زيات شويدې ۔
اسلام آباد: د اوږدې مودې انتظار نه پس د نيشنل فنانس کميشن ( اين ايف سي) يوؤلسم اجلاس ، وفاقي وزير خزانه اورنګزيب د اجلاس مشري کړې ، اجلاس دوران صوبو کښې د قامي وسائلو تقسيم،د وفاق او صوبو ترمينځ مالياتي ايوارډ تيارۍ په معاملو مشاورت شوېدې ۔
اجلاس ته وينا په وخت وزير خزانه محمد اورنګزيب وئيلي دي چې باهمي تعاون او يووالي جذبې سره به معاملات مخ په وړاندې بوځو، د خېبرپښتونخوا او سندھ وزرائے اعلیٰ او د نورو صوبو خزانې وزيرانو اجلاس کښې شرکت کړې دې ۔
اجلاس ته وينا کښې وزير خزانه غونډه کښې شرکت کولو باندې د وزرائے اعلیٰ او نور متعلقه مشرانو شکريه ادا کړې او وئيلي دي چې دا اجلاس زمونږ د پاره د آئيني ذه وارۍ او يو بل سره تعاؤن لپاره اهم موقع ده ، دا فورم آئينِ پاکستان آرټيکل يو سل پنځوستم لاندې جوړ کړې شويدې ، لسم اين ايف سي ايوارډ مدت روان کال کښې په يويشتمې جولائۍ باندې پورا شويدې، دې حوالې سره نن د اين ايف سي ايوارډ په حواله د اجلاس اهميت نور هم زيات شويدې ۔
هغۀ اووئيل چې د وفاقي حکومت پوخ عزم وو چې يوولسم اين ايف سي افتتاحي اجلاس بغير د څه ځنډ راوبللې شي، وزيراعظم پخپله د دې اجلاس په رابللو کښې دلچسپي اخستې او غواړي چې دا اجلاس زر تر زره راوبللې شي ۔
وفاقي وزير مخکښې اووئيل چې صوبو هم دغه آۍيني ذه وواري پورا کولو کښې د خپلې برخې کردار ادا کړې، پنجاب، خېبرپښتونخوا او سندھ کښې سيلابونو لوجې دا غونډۀ د ځنډ ښکار شوې وه ۔
محمد اورنګزيب زياته کړې چې اين ايف سي اجلاس حوالې سره ګنګوسو او انديښنو بهترين حل مخلصانه او شفاف طريقې سره ناسته کول او خبرې کول دي ۔
